婚事。「分」事

結婚有價，殊不知除了「大龍鳳」有市價，連禮金也有市價。多得上星期的星期二檔案於朋輩間掀起一場討論。一句一生一次，豪一次，豪得起，固然沒問題。但要借錢「裝豪」，又為乜呢？那位Wedding planner 說得很對，一個簡單而別開生面的婚禮或派對，只要新人跟出席者都能盡興而歸，也是一個辦得好而溫馨的婚禮。身邊適婚的姊妹一個接一個拉埋天窗，作為好朋友，絕對替她們高興，只要兩口子活得自在開心，就已經足夠。哥哥N年前的《追》，早已點出這婚姻真諦:「即使有了妳，平凡最‧重‧要。」婚禮只不過是一場opening ceremony，往後的日子，才是真正的婚姻，能否一生一世，也要看當事人的造化。

不少新人為準備婚禮而吵架，「點解一定要買四套禮服？只係著一次，租唔得咩？」；「做咩揀帖揀場揀衫揀套餐乜都係我！個婚禮你都有份0架！」；「嗱！閒閒地廿圍酒先夠照，唔係點做到星光熠熠嘅效果？我連幼稚園同同學都要請0架啦！難得嫁得出喎！」；「唔洗去台灣影相啦！香港無景咩！？」等等……以上都是最常見嘈交位。Wedding planner 說得對，一場婚禮已吵大鑊，婚姻餘下的路，該怎麼走？其實，為婚禮吵架的根源麵多是為了面子，通通都是為外人而起，尤其是如果身邊有「八婆格」的兄弟姊妹姨媽姑姐三姑六婆：「結咗婚住邊呀？兩個人住呀？打算生幾多個呀？」；「你老公俾幾多禮金你呀？」；「哎呀！一生一次梗係要做公主！你唔係想嚟多一次下嘛？」；「唔係下嘛，十圍就學人娶老婆！？有無鑽戒先，無兩卡唔好應承呀！」；「簽紙點簽呀？請律師定註冊處呀？」；「旅行結婚？唔擺酒呀？真係唔擺？(妖，無得做姊妹威番下，刪下一百字)」這一切一切都是吵架導火線，分分鐘未結婚就因為這些路人甲乙丙而分手。是好朋友的，收到邀請的出席兼送上真心的祝福就可以了，人家婚後的生活形式及決定，幹嗎都有你份？每人的要求及價值觀不同，自然對expectation亦有不同。問題要問得有恰當，可能一句有什麼需要幫手已非常足夠，而不是去查家宅，這是對朋友最基本的尊重。

婚姻是一個身份認同，意味著有另一伴陪你走完下半生的路，風雨同路。一場大龍鳳，令餘下的路一身債，咬麵包渡日，為的只是虛榮。生活是非常現實的，尤其是於樓價高企的社會，錢才是婚禮後建立一個家的基石，放過新人吧！

謹祝將結婚的朋友，白頭到老，永結同心！最緊要莫為外人而影響彼此的感情，此乃最憨居而不值。