髮型 ‧ 「陣亡」

一早起來，洗頭兼上卷set頭，彈力素跟髮gel都用上了。什麼頭？梁愛詩個頭，六零年代短鬈髮，往外鬈，似而是非的Omega妝。明確一點，白燕時代最流行的短鬈髮。

媽咪：「咩味呀？咁大陣火酒味？邊個攪嘢？」(之後四處探頭探腦)
我：「哦？有味咩？我0岩0岩set完頭，見有支噴髮膠咪拎嚟用下囉！」(好日唔用)
媽咪：「你支咩嚟0架！？燒得着個頭呀！」
我(已經忍唔住笑)：「吓？咁掉咗佢囉！」
媽咪：「邊支？邊支？快d叫Daddy拎去掉咗佢！嘩！多火酒到丫！真係燒得着個頭呀！」
我：「哈哈…哦，咪同阿妹set頭0個支囉！」

係呀~ 人人都說我為什麼「0靚妹樣」梳一個如此老氣橫秋的髮型。所以，一般都會加hair band，以tune down整體mature的感覺。每次見人，總愛討論我的髮型，女士的FAQ是究竟你是如何弄這造型？所到之處，從未見過我的，都會投以奇怪目光，覺得我「細路扮大人」兼「懶扮嘢」。更試過地鐵上，幕門玻璃反映兩母女於我背後討論我為何打扮如此「老積」(那天穿了上上一季Mango 草綠色配薰衣草floral print的雪紡連身裙配白色Wedge 3吋涼鞋)。嘻~~ 主要都是因為我那像中學生的娃娃臉啦！

從小，長短直鬈都通通試過。冬菇頭、及肩長髮、TB頭、芳芳姐Omega飛女裝……每一個髮型都曾引來很大迴響。可恨的是自與「肥仔丸」為伴有了包包臉後，局限性大了許多。現在的是最舒服最配合臉型的了，自己能夠弄得到又carry得到，已值得我引以為傲 — 因為我不‧想‧再‧被當成小妹妹般看待。

[以上篇幅於三日前執筆]

—————————————————–

P.S.

這一個月為了跟論文拼搏而閉關，只有午飯跟晚飯偶爾跟父母出街。隔絕所有同輩面對面interaction，差不多全面停頓短訊，no shopping。加上這個月內遇上種種的家庭、感情糾纏，以致所接收的負面說話佔了生活的八、九成，絕對有心力交瘁的感覺，近一星期尤其越近死線更有depress兼燥狂的感覺。嚴重得自己很用心地化了妝，也找不到昔日的神采；這個月連平常做facial的勁兒都沒了；做慣花蝴蝶的我，一下子變成來來去去只選最「就手」的穿上身；一個月沒有心情看電視，逐少把Baby吩咐的「黑執事」(網上版)看完已是創舉；時間不許可之下，更惶論下廚做蛋糕去發洩。偏偏雙子座擅長人前裝開心，只會自己閉門獨自神傷，喊、喊、喊兼忟、忟、忟。

週末終於可以出關了，再閉關的話，真的遲早無抑鬱也有鬱燥症。多得這個角落陪我渡過這難捱的一個月，多得Baby 日日keep住FB contact，兼容許我一日一電，那怕只有半小時。多得Baby B 異常頻密的遠方電郵慰問。亦多得Baby C的及時雨令我出關有望，這可是我的福氣。

只是，我很不爭氣，今日死線了，凌晨時份情緒終於崩潰了……

[執筆於今晨06:30]

P.P.S To Baby : 今早語氣重了，對‧不‧起……

[執筆於今晨08:19]