機場觀望台

星期六公司係亞洲博覽館攪 Annual Dinner，點都要專登去到咁遠，所以順便行吓機場啦！由中環搭機鐵去到客運大樓一期，平時搭飛機，衝衝忙忙攪完登機就會入閘，但今次可以慢慢行吓！不過最主要都係行吓muji，同埋出境既舖頭。

行完客運大樓一期，就過去二期嗰邊。下晝呢個時間去二期原來咁多人。好似好多強國人係呢度出發。二期唔係成日嚟，更加要睇吓有咩舖頭。不過D舖頭都唔係太吸引。行咗一轉，就搵上觀景台既地方。

觀景台原來係戲院既再入，嗰度有D飛機介紹。買咗飛就行到最死角，之後搭Lift。上到去，都有好幾個龍友係度。亦有其他人好似我咁，影吓飛機、影吓日落。

Set 好長鏡，影飛機起飛，發覺今日天氣無想像中咁好，係見到飛機，不過有層黃色既塵，完全睇得唔清，影出嚟D相都唔靚。不過今日勝在太陽日落好靚，真係大大個咸蛋王咁，總算無白白走一棠！

睇完日落，就由天橋行返去亞洲博覽館Annual Dinner！