又一年啦, 今年謝菲生日本來想放底陶寶B, 二口子去嘆個Buffet, 但點知謝菲生日當日有啲感冒呢, 所以臨時改咗plan, 簡單啲不如去食燒肉啦, 諗起公司附近有牛角, 原來從來都未試過, 不如近近地就食呢間當慶祝謝菲生日啦.
可能因為早既關係, 唔係book位walk in都有位呢. 兩個人點咗個牛角沙律, 一客燒肉併盤, 一客牛肉, 一客厚切牛舌再加個溫泉蛋牛角飯.
莎拉係一個超級鍾意食燒牛舌既人, 呢個厚切牛舌真係好好味, 食完呢一碟之後真係好有衝動想order多一客呢.
至於個燒肉併盤, 內有雞肉, 薄牛舌, 牛肉(2款)及豬頸肉, 5款裡面反而最好食呀豬頸肉呢. 而個溫泉蛋牛角飯又出奇地好味, 溫泉蛋混合紫菜拌勻白飯, 可以食出呢三種食材最天然既味道呀, 好唔到謝菲要舉手encore多一客呀.
食飽飯都只係7:30pm, 真係好早呢, 而正好想同謝菲討論搭咩車返家時, 謝菲就話佢安排咗特備飯後節目呢. Heehee, 佢都算鬼馬啦, 原來佢book咗去"水雲莊"度做揼骨, 都唔知係佢生日定係莎拉生日, 居然有surprise. 好似自從有咗陶寶B之後直到而家都無再做過Massage啦, 揼咗個半鍾真係好舒服呢. 揼完骨之後都已經9:30pm, 當然要快快回家湊陶寶B, 點知就落鬼C咁大雨, 直情落9A一樣呀. 又無帶umbrella, 謝菲唯有係最近既地方買把umbrella, 點知佢唯一既選擇係一把淺粉紅透明umbrella,,,,好浪漫姐,,,,,,雨中的戀人們!!!!!
不過二人用一把umbrella懶浪漫係有代價既, 就係成身濕晒好似無擔姐一樣, 莎拉都未試過由頭濕到落腳呀. 接咗陶寶B回家後就快快切蛋糕啦, 謝菲不嬲都唔多鐘意食甜嘢(當然包括蛋糕啦), 所以莎拉就只係買咗個Cupcake當生日蛋糕呢!
祝謝菲生日快樂, 身體健康with love!!! XOXO
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
