0

又嚟面試

莎拉蛋糕 於 2014-01-08 00:00:00 發表  |  累積瀏覽 536

分類:
2013/11/29
今次面試既幼兒園係保護兒童會既附屬學校, 不過就係全日制既PN學校, 但係佢一年都係收30多位學生, 所以其實莎拉都知道機會好渺望, 不過都係本住俾陶寶B玩吓, 見吓世面既心態去面試, 所以無壓力! 
今次既面試時間係中午12:15, 所以可以餵咗陶寶B食咗Lunch先去, 食飽飽都精神啲呀! 因為面試只容許一位家長陪同, 所以今次係莎拉就單拖一個人帶陶寶B去面試. 

準時到達學校, 報到之後就安排去一間大房俾小朋友玩吓等叫名, 見到架車仔, 陶寶B第一時間行過去望吓咩東東, 因為之前從來都未見過架, 等媽媽幫吓你啦. 座咗入去之後, 兩頭望因為唔知點玩呀, 傻瓜! 
玩咗一陣都好似唔係好識玩, 見到另一款車車, 不如試吓呢(莎拉都未見過呢款車車呀), 今次叻啲啦, 見到有個車軚盤就自己自動波架揸住個軚盤, 媽媽輕輕咁推一推架車仔, 佢自己就控制方向, 好好玩呢, 不過呢位小朋友好似揸車揸得好緊張, 一啲笑容都無呀. 
玩咗一陣到陶寶B面試啦, 今次陶寶B叻仔過上次, 莎拉拖住陶寶B隻手仔行去課室見老師. 一座底, 老師就俾個puzzle玩具俾陶寶b自己玩住先, 跟進老師就問莎拉一大推有關陶寶B既生活習慣問題, 例如瞓晏覺既Schedule, 飲食習慣, 身體狀況等等, 相信因為係全日制既關係所以需要知道生活作息習慣. 
差不多都問咗5分鐘跟住就開始面試, 第一個task就係要疊高積木, 老師試範咗幾次, 陶寶B試咗幾次先叫做成功疊到一粒. 第二個Task就係認水果, 又係香蕉, 蘋果, 橙, 分別要求放回相關既碟度, 結果同上次一樣又係唔識. 面試既問題就係咁多啦, 老師就講咗句:"其實佢都比較細過呢". 一講咗呢句, 其實即係暗示今次既interview已經fail (而事實上都係, 因為莎拉已經收到信通知不取陸啦!), 不過因為開始面試前都已經抱住無所謂既心情, 所以都無咩點失望. 
今次雖然係fail, 不過從陶寶B既表現嚟講, 今次既已經比上一次面試有所進步, 因為今次已經唔再好似上次咁要抱住入去面試, 再加上入到課室後可以自己座張, 有呢兩點既進步, 係莎拉眼中陶寶B已經合格架啦, 今次失敗唔緊要, 下次再試一試!!!

感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220698

全部攻略 499

全部回應 0