一星期在Montreal既旅程真係話咁快就完結啦, 今日就要搭12pm飛機去多倫多呀, 雖然只係1小時既機程, 但係每次飛都好怕陶寶B會扭計, 加上今日搭上午機, 陶寶B一定會精力旺盛呢. 陶寶B在Check in後, 係boarding gate都好活躍, 佢仲好想落地玩呢. 同小朋友去旅行好多行李架, 首先架BB車就一定架啦, 之後就係一喼既Hand carry, 內埋差不多全部都係陶寶B既用品, 例如係玩具, 外套, 輕便被仔, 食物, spare衫仔. 再加埋個媽媽袋, 真係一抽二 lung, 分分鐘會漏拎一件架.
所以莎拉相信一個人同BB搭飛機真係差唔多係mission impossible!!! 終於都到boarding time啦, 上到機時都仲好好奇咁周圍摸 (暗地埋, 莎拉驚緊萬一take off時佢唔瞓的話, 到時點攪!!!)
不過到咗take off時好彩陶寶B又剛好瞓著咗. (立即鬆一口氣!)
差不多整程機都乖乖地瞓, 呢一小時 no problem so easy!!! 莎拉都可以enjoy吓呢個break.
今次加拿大既另一個主要原因就係參加謝菲表弟既Wedding, 當年佢就擔任謝菲既best man, 仲係wedding banquet上講咗一編好精彩既speech, 所以今次論到表弟結婚, 點都要飛過嚟參加呀. 因為係喜慶事, 所以臨時有個重要既任務俾陶寶B, 做花仔?!!! No No No, 佢太細個啦, 未到佢呢. 呢個重要任務就係新人張新床上跳彈床啦, 因為童子跳新床好意頭呀嗎, hahaha!!! 平時陶寶B係屋企都已經好鐘意跳跳跳架啦, 諗住一定啱晒佢啦, 點知放佢上張隨佢跳時, 陶寶B就唔跳, 只係爬吓爬吓, 激C呢?!!! 不過唔緊要啦, 俾你呢個Happy Baby玩過張床, 都一樣好意頭呢.
攪完呢個咁重要既意識, 不如影番張相先啦!
點呀, 影張相姐, 唔駛咁大反應呀?! 呢位朋友唔俾面呀!!!! 無你符!
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
