2010/10/6
自從賣咗架iimo三輛車之後, 陶寶B就join咗個iimo車車隊啦! 之前係8月搞過一次放車活動, 不過正值夏天, 莎拉覺得太熱啦, 所以果次沒有參加呢. 不過今次活動係10月舉行, 真係秋高氣爽, 最適合就係戶外活動架啦.
自從買咗架iimo車車後, 除咗係屋企樓下平台玩過, 都未真正係公園放過車呢, 所以今次既活動一定要參加呀. 今次放車大會係佐敦谷公園舉行, 一早已聽聞佐敦谷公園有個靚草地, 所以莎拉十分期待呀.
去到佐敦谷公園, 個草地真係好靚, 最適合玩埋野餐呢, 所以莎拉都帶咗張地墊嚟可以座草地呀.
陶寶B: 我係一個車手! 好啦, 等我Set好架車先!!!Get Set and Get Ready!!!
公園已有大約30多架iimo車啦, 大家好自然咁聚一起泊車, 同自己既BB影吓相.
陶寶B都唔執輸呀, 排埋一份, 不過佢係咁攪隔離位車手呀, 又唔知自己唔Gentle, 莎拉幾驚陶寶B啲無情力整到人呀.
第一次係草地同陶寶B放車實在太開心啦, 不過呢隻豬仲未識踩單車, 所以係架車度座得耐就唔多耐煩, 係個sit位度企係度呢.
今日天氣都係有啲熱呀, 曬到面仔都紅晒, 要飲多啲水先得呀!
係草地度玩真係好放心, 因為趺倒都唔怕呢, 所以莎拉就好似放羊咁, 任得陶寶B係草地上又跑又跳, 當然莎拉要係後面係咁追住陶寶B啦.
真係唔係講笑, 咁樣追法好可能會減到肥架喎!
陶寶B真係好難玩, 莎拉跟住佢跑到攰攰地, 諗住座低休息吓啦, 點知佢就主動拉住莎拉.
原來佢未玩夠, 耍Continue呀!!!有得玩, 就奸奸笑呀!
玩咗一陣自由喪跑之後, 要抖一抖先得食翻個yogurt先得. heehee, 呢次仲唔係俾莎拉整古, 餵到成面都係.
其實平時呢個時候, 陶寶B都已經係午睡中架啦, 所有陶寶B都已經開始Slow down落嚟. 埋位埋位, 影番張大合照先, 差唔多有成50位車手呀.
(搵唔搵到陶寶B呀?!!!咪就係中間食住奶咀個位先生呀!)
影完相, 陶寶B都差唔多眼瞓都極啲啦, 真係唔夠5分鐘, 抱住佢已經瞓著咗啦. 今日真係超級放電呀!
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
佐敦谷公園
G-fit
完善公園
大埔海濱公園
中國香港世界地質公園 (甕缸群島)
荃灣沙咀道遊樂場
沙田公園
APEC主題公園