0

加拿大親善之旅 - 親親大自然

莎拉蛋糕 於 2013-09-23 00:00:00 發表  |  累積瀏覽 357

分類:長線旅遊 ;地區:其他
係香港想親近大自然既機會真係比較少, 而想係香港搵一幅大草地, 可以任由你踩真係唔多選擇, 所以陶寶B自出世之後都未試過近距離接觸花花草草呢. 
係Montreal個幾日, 真係日日都咁好天氣, 而當然周圍都有草地, 好多時一早出去嘆完咖啡就出去Backyard個花園同陶寶B玩吓.
呢度既紫外線指數真係好高, 唔覺唔覺就會好易曬傷, 所以時時刻刻都要做好防曬準備. 揸太陽油就一定要啦, 而戴番頂帽仔就更加唔少得, 不過呢隻陶寶B而家真係唔多鐘意戴帽, 你呢頭幫佢戴, 佢果頭自己除, 真係俾佢激C. 


婆婆係backyard度自己種咗啲菜, 真係100%Organic架, 所以同陶寶B去睇吓呢個小農地先. 

仲有婆婆種既花花呢 (莎拉唔知咩名既花呢), 不過陶寶B好似採花賦咁, 走去摵啲花瓣呢, 小朋友唔可以咁架, 要愛惜花卉架.
有花之外, 仲有個小水池, 因為係夏天關你, 呢朵蓮花開得好靚呢.
呢隻就係陪住莎拉渡過Highschool既小狗"BonBon", 佢今年已經差唔多13歲啦, 相信呢次會係莎拉最後一次見佢啦.

陶寶B有得係室外玩就特別開心呀, 因為所有既事物都係好新鮮及好新奇呀.

除咗俾佢係花園玩之後, 仲俾陶寶B去公園玩, 得佢可以赤腳踩草地呢.
哈哈哈, 佢個樣好搞笑, 可能覺得隻腳板吉吉地呢, 所以極之好奇去摸啲草呢. 

之後仲索性座係草地上面玩, 探索呢種新事物. 加拿大有好多松樹, 所以公園地上有好多松果, 陶寶B見到初時都係放係手中玩吓, 到最後就總係放入口呢, 真係反應慢啲都唔掂, 好似同佢玩眼明手快咁呢.

 莎拉好鐘意呢張相呀, 因為陶寶B既笑容真係好Pure. (仲明顯見到有滴口水呀!) 

感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:其他
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220510

全部攻略 499

全部回應 0