0

16th month成長之路

莎拉蛋糕 於 2013-11-04 00:00:00 發表  |  累積瀏覽 269

分類:
嚴重甩blog啦, 莎拉覺得已經去到警戒線, 可能而家夜晚用多咗時間去整麵包, 所以搞到少咗時間update. 見到其他blog友仔顯示有update都無時間click入去探吓你地. 

體重及身高

都係果句今期無機會上磅及度高, 所以都唔太清楚實施增長幾多呢. 不過當陶寶B座上BB車時, 雖然就好似好大個, 但係一睇佢流口水就知佢仲係BB一名呢. 

食量
今個月既餵食情況都係麻麻地, 座係booster seat食飯時, 一係左手要自己拎住隻匙羹(但又唔係自己餵自己喎!), 如果唔係就係又要星星餅拌食. 莎拉好想改善呢個問題呀!!!唔係係咪因為出既牙仔數目唔多(8隻), 所以佢好似唔鐘多鐘意食大人飯及餸, 暫時都係維持BB飯仔或粉仔. 另外陶寶B真係好鐘意食水果, 自己可以成個橙或大半個Apple, 你俾幾多水果佢都會食, 但係飯就唔係多多都食. 仲有呀, 有時食啲甜味重既水果(例如提子), 真係食都唔停口, 俾最尾一粒提子之後唔再俾, 陶寶B就立即發爛渣, 好討厭呢, 不過莎拉係唔會屈服既, 一定唔可以發爛渣就要就晒佢, 如果唔係再大啲就仲更加惡呀! 
活動能力
今個月多咗好多驚喜, 唔知係咪因為婆婆特訓底下, 識多咗嘢. 
-講Byebye既發音都係唔多正宗, 仲係"dye dye", 不過就學識飛吻(Sweet!!!), 陶寶B會跟住學人飛吻. 
-主動搵人同佢玩Peekapoo, 陶寶B會拖你隻手走, 咁即係代表佢想你起身同佢玩呀. -玩形狀配對玩具, 雖然唔係百分百可以放啱個Shape, 但係都有時會放啱呢. 
-好鐘意大人同佢唱兒歌, 莎拉近來既那手歌就係"When you happy you clap your hand"及"head shoulder knees and toes"
- 謝菲話聽過陶寶B曾經係度唱歌仔, 可惜莎拉未有機會聽到呢.
-今個月學識爬上椅, 真係成隻馬騮! 
-唔多識叫媽媽及嗲嗲呀!!!!Ai~~~過幾日就係佢人生第一次N班Interview啦, 其實莎拉都打家輸數唔會成功, 因為佢識既嘢實在太少, 所以莎拉都係平常心當玩吓啦. 
作息時間
同上一個月差不多, 都係9點半倒就瞓, 到第二朝8點倒就會起身. 好多人都話陶寶B算係咁架啦, 起碼唔係天光就起身呢. 
健康
繼續感恩陶寶B一切正常呀!


感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220554

全部攻略 499

全部回應 0