0

加拿大親善之旅 - Montreal Day 4

莎拉蛋糕 於 2013-09-10 00:00:00 發表  |  累積瀏覽 413

分類:長線旅遊 公園 ;地區:其他
點解莎拉會叫今次加拿大之旅為親善之旅呢?! 因為朋友親戚們都係第一次見陶寶B, 而呢位小BB又令所有人都好開心, 佢成個親善大使咁, 所以呢次咪係親善之旅囉.
一眾朋友們大都已成為媽媽了, 所以大家既gathering活動都以親子為主.

就好似今日咁就總共有4個小朋友, 不過年紀就一級級, 半歲, 一歲及2個三歲小朋友, 所以其實唔係太過玩得埋. 所以開頭都係各自各玩呢. 不過後來up warm咗一陣, 都叫做有啲交流呀.
食咗lunch之後, 就拉大隊上去天台既泳池遊水.
雖然係夏天, 但係加拿大既夏天都只係28-30度, 相比起香港真係一啲都唔熱, 所以水溫都係凍, 莎拉怕陶寶B會冷親, 所以只係俾佢係池邊玩吓就算, 不過呢隻豬真係好大膽, 佢係自己想去深水既地方呢, 真係唔識C呀!
莎拉都係第一次係天台遊水, 望住Montreal個view真係唔錯呀.
同朋友仔玩咗成個下午, 係時候Byebye啦, 下次我地係香港再見啦!!

  

返到家中, 莎拉又帶陶寶B去公園玩呀, 因為上次都仲有啲設施未試過. 呢舊係咩嚟架?!
真係連莎拉都未見過呀. 睇佢個樣成隻飯碗咁, 點玩架呢?! 唔好理啦, 放陶寶B上去試一試啦. 一放上去, 個碗會自轉架.

HAHA, 陶寶B自己仲好叻咁雙手扶實, 不過隻碗好似愈轉愈快, 好好笑呀!!!! 原來呢隻係自轉飯碗!!!! 玩到頭都暈呀!!!!
仲有搖搖板呢, 香港既公園真係已經好少見到呢種玩意啦.  莎拉記得自己細過時都有玩過呢. 陶寶B仲未可以自己玩, 所以莎拉同謝菲就一人一邊, up and down, up and down, 好開心呀!!!

每次同陶寶B玩, 佢都會笑得好開心, 架架聲既笑聲, 真係全世界最好聲音.

感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:其他
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220631

全部攻略 499

全部回應 0