加拿大親善之旅 - Montreal Day 1

加拿大東岸同香港既時差係12小時, 所以同BB去北美地區, 同佢Tune番個時差係另一Challange. 之前都好擔心陶寶B會唔會成個星期都搞唔掂個時差, 要晚晚半夜起身要陪佢玩. 不過好彩, 第一晚到達Montreal已10pm, 回到婆婆家中給陶寶B餵個消夜, 沖涼後已12pm, 陶寶B已乖乖瞓覺, 第二日就5:30am起身.

 

總算唔係半夜起身, 都唔錯. 起身之後, 自己係BB床玩吓玩具.



既然咁早起身, 就不如一早嚟個散步去Tim Horton食個bagel with cream cheese飲杯咖啡.



嘆完個早餐都只係8:30am, 晨咁早就去埋家附近既公園行吓. 莎拉真係好耐無試過咁健康既生活啦. 



莎拉曾係加拿大生活了一段長時間, 回流香港已多年, 所以今次再回來加拿大, 真係好享受呢度既一切, 空氣真係好清新, 所以莎拉同陶寶B講叫佢呢兩星期吸多啲(呢個媽咪傻架!!!)  另外外國生活質素都唔同, 就以駕駛態度為例, 係呢度好少聽到因為塞車而響安, 另外駕駛者真係有禮貌及會禮讓好多, 見到行人真係會主動讓你過馬路先, 換轉係香港, 永遠都係行人讓車, 莎拉仲曾經試過推住BB車過馬路時俾人響安叫我行快啲, 果次真係火都嚟埋. 好似愈講愈遠啦,

講返個Trip先, 去到公園真係一個人都無, 想信係香港真係比較難有咁既情況啦, 陶寶B一個人玩晒好似包場咁呢. 今次都係陶寶B第一次玩鞦韆, 呢隻豬仔玩得開心呀.





如果可以日日都夠到陶寶B去公園行一行玩一玩, 就真係好滿足啦.



因為今朝早起身, 所以陶寶B係下午時段就開始出現睡意啦(其實莎拉都係), 所以下午去咗行Walmart買番啲BB用品, 因為朋友們都叫莎拉唔駛帶咁多BB用品, 因為呢度會平啲呀. 而陶寶B就係車度瞓咗, 所以就找醒佢, 陶寶B係極度不滿莎拉嘈醒佢, 外國既Shopping cart真係好, 居然有啲車係成個BB Seat位, 真係又安全又細心呢.
 


今日第一天既行程就差唔多, 返屋企嚟個小睡, 之後就同家人晚上食法國餐.



到咗晚飯時段, 陶寶B依然係好眼瞓呀, 酒杯下的檬檬陶寶B.



呢間法國餐廳Mrs. Amigos,  只係一間在家附近既小店, 雖然唔出名, 但莎拉覺得佢食物既質素真係好過好多香港一啲又貴又唔好食既出名餐廳.



今晚真係叫到成檯都係, 不過樣樣都咁好味. 有龍蝦湯, 蘑菇湯, cesar salad, 煎鵝肝伴蘋果, 香燒羊架, 燒庵春及龍蝦伴青口意粉.















真係樣樣都好好味呀, 食都好飽呢, 本來想食既dessert都食唔落啦. 第一日既行程就係呢餐Perfect dinner下結束.