0

Fly Fly Fly

莎拉蛋糕 於 2013-07-26 00:00:00 發表  |  累積瀏覽 371

分類:
莎拉又回歸啦, 差不多成個月都未update個blog, 何解呢?! 就真係因為7月份同咗陶寶B返咗加拿大2個多星期, 所以就完全無得Update呀. 第一次帶陶寶B搭飛機去遠行, 真係一係唔去, 一去就去到咁遠. 所以莎拉執行李都執咗2日, 因為好怕帶漏陶寶B既用品.

今次既旅程, 第一站就係Montreal, 所以首先係係由香港飛多倫多, 之後再轉機去Montreal, 機程差唔多有16小時, 所以對第一次帶BB搭飛機既莎拉真係一個極級挑戰. 係出發之前, 莎拉特別去買多兩款小型既玩具, 而當日上機, 莎拉所孭既媽媽袋內就差唔多成袋都係玩具, 牙膠玩具, 奶咀及ipad.

飛機起飛時間係3pm, 所以陶寶B食咗Lunch就向機場出發啦!



呢位小朋友都好似未出發先興奮, 自己開心到拍拍手呀!



準備登機時, 陶寶B都仲好精神俾莎拉周圍去影相!!  



"Yeah, Canada we are coming!!!".



之前一直擔心陶寶B會起飛時因為氣壓問題而唔舒服, 但係好好彩, 兩程飛機起飛時, 陶寶B都剛好瞓咗, 所以未見有大問題.



而另一個BB搭飛機既問題就係膳食問題, 雖然航空公司有提供Baby food (樽裝baby food), 但係一來唔知陶寶B啱唔啱食, 二來係怕餵時萬一陶寶B一手打過嚟就真係成身都係, 所以莎拉就安排陶寶B食奶+麵包當晚餐, 相信一餐半餐食乾糧問題不大. 另外莎拉都準備咗一大盒藍莓俾陶寶B當Finger food.

整程飛機陶寶B真係算好合作, 大人用餐時, 佢就瞓覺. 瞓醒就佢玩一陣, 當玩都唔多耐煩, 就唯有出動Ipad俾佢睇Baby Einstein, 睇一陣又瞓, 雖然莎拉準備咗成袋玩具, 最後都只係出動咗一件玩具加iPad就攪掂.

呢位BB乖乖排排座係媽媽身旁睇佢既Favorite, baby einstein.



當陶寶B瞓咗, 莎拉就可以嘆番個美加板既Cup Noddle 同杯coffee!





另一項飛機上既挑戰就係換片片, 因為係長途機, 所以無可能唔換片, 而陶寶B係極度唔願意瞓係張Changing table換片度, 所以唯有陶寶B企係度換片, 大家都知飛機上既廁所有幾細架啦, 所以只可以容納一人在內, 陶寶B企係張Changing table扶住莎拉個頭, 真係一換一驚心, 因為好怕換片時遇上氣流而令陶寶B企唔穩呀.

兩程飛機陶寶B既表演出乎意料, 真係無想像中BB大叫大喊既場面出現, 連座係隔離係既姨姨都讚陶寶B"You are such a good boy".

到達多倫多時仲好精神添!!!



第二程飛機陶寶B再度合作, 起飛時乖乖瞓咗!



話咁快就到達Montreal啦, 總結呢次第一次同陶寶B飛行16小時你成功既!!




感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 251839

全部攻略 499

全部回應 0