0

陶寶B一歲生日會

莎拉蛋糕 於 2013-06-30 00:00:00 發表  |  累積瀏覽 353

分類:其他
莎拉揀咗係陶寶B正日生日前既兩時期既父親節當日, 幫陶寶B搞咗個小朋友少少+大人多多,差唔多35人既生日會. 雖然唔多小朋友, 但係都盡量為小朋友們搞點玩意, 希望佢地玩得開心.

今次birthday party係中午時段, 而場地就係借朋友既會所, 所以謝菲就負責啲Decoration.
 
 
今次Birthday Party既Theme係海洋Ocean, 其實一直都諗咩嘢theme好, 真係好難諗, 因為無咩係真係好代表到陶寶B, 最後係上次Studio影既相, 有一張係水手裝用咗嚟做birthday party既invitation, 所以就索性用ocean呢個主題.

而今日既主角陶寶B, 莎拉之前係屋企已經餵咗佢食Lunch仲瞓咗個小睡呢, 不過真係"人算不如唔好算", 去到party個Clubhouse場地, 陶寶B居然係大喊, 平時佢又唔怕"生保"又唔怕人多,  真係唔明點解, 唔通今日你係主角先來反常?!



之前帶過陶寶B參加其他BB既生日會, 當時陶寶B玩過波波池, 仲玩得好開心, 所以就租咗個波波池+滑梯.



其他小朋友就玩得好開心, 但係陶寶B今日就唔多Enjoy, 玩玩吓又喊, 唉~~~, 阿囝, 你今日搞咩呀?! 



因為party係中午時段, 所以莎拉就安排咗"五餅二魚"既到會, 唔係講笑, 試過好多到會, 呢間 "五餅二魚"真係好好食, 比起啲"大X樂", "美X"好食多多聲. 

難得陶寶B唔扭計, 終於都可以同其他小朋友social吓打個招呼!!! 喂喂喂, 陶寶B你仲咩蝦人地呀?! 人地BB細個你, 未識反抗, 你唔好"篤"人地喎.



2個同年齡既小朋友共通點就係都係鐘意咬嘢, 咩都放入口度.



因為陶寶B今日表現有啲失準, 所以見到佢好似心情好啲就安排切蛋糕啦. 陶寶B個birthday cake係好咪好得意呢?!!! heehee, 係莎拉決定架. 因為一來個theme係海洋要match番個主題, 二來謝菲有個外號叫"船長", 咁陶寶B係"船長之子", 所以蛋糕上面就係陶寶B座係隻船仔入面咁就Perfect啦, hahaha!!!



呢隻豬真係無佢收, 一路影相一路食住個奶咀邊, 攞走佢就發晒皮4, 真係想點呢?!!! 搞到張張相都影唔到全個樣.



真係快樂時光好快就過, 4個鍾既birthday party就咁就完啦, 而莎拉都準備咗啲小禮身包俾參加既小朋友, 希望個個都玩得開心.



陶寶B多謝所有auntie 及uncle既禮物同利事呀!!!



後話: 今之生日會全部都係莎拉同謝菲organize, 老實講, 真係唔容易, 籌備既過程好似搞個小型婚禮咁, 不過籌備都唔係難, 最難係控制一歲小朋友既表現, 當日陶寶B真係有3/4既時間都係發難, 有大半既時間都係抱咗出去, 當時莎拉真係有點兒"灰", 心諗"唉~~~總之你咁扭計, 我就唔搞啦!!!", 不過相信如果唔搞呢個生日會, 莎拉應該會後悔呢. 所以總括嚟講, 呢人個一歲生日會都係一個開心既經歷.



感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220874

全部攻略 499

全部回應 0