相信好多媽媽都會覺得, 自從bb出世之後, 每日24小時好似好唔夠用, 點解咁快又夠鐘, 啲時間好唔見洗(
其實錢一樣唔見洗!!!![]( "(crying)")
), 點解咁快就晚上11pm?!!! 真係每日都同時間比賽咁. 雖然陶寶B已經成功侵入莎拉既生活, 佔領每一日既Leisure Time, 令到莎拉長期欠缺假期及睡眠 但都係值得既.
![]()
過往啲私人時間會用作拍拖, 寫blog, 上網, 整嘢食, 煲碟, 瞓覺. 但係而家既生活, 上述既幾樣嘢, 通通都變成limited edition 既luxury item, 所以如果每日有多幾小時就真係好啦. 不過莎拉都知自己諗多咗啦, 雖然時間係有限, 但莎拉都盡量keep住每星期都會寫2-3篇blog, 因為一來想盡量記錄陶寶B既成長, 二來莎拉相信自己如果唔Keep住寫的話, 就會dum懶個人, 拖拖吓就會方廢呢個blog架啦.
雖然仲可以勉強可以出post, 但就真係無咩時間可以回覆大家既留言, 因為莎拉返工時唔係太方便上網, 只可以留待晚上有時間才reply. 莫講話reply留言, 去探其他blog友仔既update都少咗好多呀. 加上而家yahoo無咗通知關注blogger有update既功能, 所以真係唔知邊個有Update post邊個無, 唯有個個click入去, 時間會需要更加多.
而莎拉見近來有唔少blogger都整個facebook fans page, 咁就可以通知關注既blogger有update, 二來又可以多一個地方同其他blog友仔交流交流, 呢個方法真係又方便又快捷, 莎拉都諗緊好唔好整個facebook page呢
![]( "(confused)")
?!!! 可能整咗無人理架呢?! 都係諗一諗先.
