陶寶B呢一個月試過2,3次晚上餵完奶放回BB床瞓覺, 約30分鐘之後會突然之間大喊
![]( "(crying)")
, 仲要係合埋對眼嚟喊, 大滴大滴眼淚. 諗住抱起陶寶B comfort翻佢, 點知陶寶B都仲係合埋眼來喊, 莎拉相信陶寶B應該係
發惡夢![]( "(hypnotized)")
. 終於用咗2分鐘是可以令陶寶B醒一醒, 不過都係喊晒口, 用奶咀都收唔到聲呢. 最後拿拿聲開少少奶俾陶寶B食, 食完之後就瞓翻啦.
所以莎拉呢兩日就上網搵下BB出現呢個情況既處理方法. 發惡夢主要可能之前玩大太癲或出街時太刺激引起, 而另外有啲媽咪就話可能同BB出牙仔有關. 莎拉都唔知係邊個原因, 因為又同佢出過街玩, 而陶寶B又出緊牙仔喎.
有朋友就話可以俾BB食
保嬰丹或
七星茶, 不過莎拉覺得保嬰丹好似好中藥成份好重, 所以都係唔敢俾陶寶B食. 至於七星茶呢, 莎拉就最後買咗余X生試一試, 陶寶B試飲過2次, 當晚發惡夢時就開水俾佢飲, 飲完之後就無再發惡夢啦. 其實莎拉都唔夠膽肯定七星茶係咪真係Work
![]( "(thinking)")
, 不過暫時都係非不得意時先會俾陶寶B飲七星茶, 因為始終都有中草成份呀, 唔知其他媽咪Blogger有無咩見意呀?!
![]( "(confused)")
![]()
