一直都好想同陶寶B影一輯BB寫真相, 因為仲襯佢而家仲叫做係BB樣, 好想留住呢一刻. 雖然謝菲有部單反機, 但係在家中自己影BB係唔容易既事, 光線係好緊要既因素, 二來同得BB影時, 自己就無得同BB影合照啦, 唔好話影全家幅啦.
不過太貴既影BB package 就唔會考慮啦, target係$800或以下, 仲要全部相俾返我地呢 (真係多多要求!!!!). 最後等了又等, 搵了又搵, 就係ball ball既blog度見到佢係
Alvinyau Production (http://www.alvinyauproduction.com/)影咗輯BB相, 效果唔錯
, 簡單是最美, 價錢又抵呢.
莎拉都拿拿臨Join咗 $600 既package (原價$888), 45min包3個造型(唔計自己帶嚟既造型), 其中10張相有Retouch, 呢個價錢真係連謝菲都話ok, 一致通過, 就搵Alvin啦.
星期日book咗11:00-11:45, 影既當日陶寶B其實唔多合作, 可能因為又眼瞓又肚餓, 所以影既過程都好扭計呢, 同BB影相真係要預咗有呢啲情況出現呀. 陶寶B最後就揀咗呢4個做型, 包括係扮熊貓, 水手, 狸貓同恐龍.
而Alvin都好nice, 其實佢都有個10個月大既BB囡, 所以佢影相時都好有心機. 而謝菲都讚Alvin 好人, 佢唔似有啲photographer好cool好寸, 佢仲同謝菲分享啲攝影心得呢.
Alvin真係好快手, 幾日之後已經post咗幾張已retouch既相係facebook, 而星期日影相, 星期五已經收到隻cd啦, 真係極度快手. 哈哈哈, 本來package只係包10張retouch相, 不過最後Alvin俾咗24張retouch既相. 而另外其他未retouch既相同全數交回, 真係好正, 可以交俾謝菲再執埋其他相呢. 前後唔駛一星期已經收到隻CD啦, 真係快得緊要呢.
最開心就影到張滿意既全家幅呢, 而家可以揀到張相放係屋企個相架啦.