0

食果果

莎拉蛋糕 於 2013-05-12 00:00:00 發表  |  累積瀏覽 427

分類:
晚上當大人食晚飯時, 陶寶B就會座Booster seat圍檯座,  不過只係望住我地食晚, 佢就只可以玩手指, 或者俾少少星星餅佢食住玩. 但而家陶寶B大個啦, 圍檯座唔俾嘢佢食, 佢先無咁蠢呀, 當然開始識得扭計啦, 所以既然陶寶B上排開始出3仔牙仔, 都係時候可以俾佢試吓食啲大少少Size既生果粒等佢自己可以攞住食. 所以第一次俾陶寶B拎住嚟食既就係一條牛油果,



真係食到天一半地一半都不特只, 仲要成塊面及手都係牛油果蓉呢, 呢隻傻豬食到咁上下, 仲要走去用隻有牛油果蓉既手抺落個頭到, 正式成身都係晒嘢.



雖然食得好嗱喳, 不過莎拉覺得俾小朋友食到成面成身既階段係必經既, 起碼佢會自己用手攞嚟食, 如果要佢保持乾淨大人就要餵佢食, 莎拉唔希望養成呢個食咩都餵既習慣, 所以食到好污糟都無所謂, 最多咪用啲時間同佢清潔翻.

試過牛油果之後,  第二晚就試吓火龍果啦, 哈哈哈, 今次就食到多咗幾粒八婆墨係塊面朱到, 見到都笑了呀!



之前整啤梨蓉俾陶寶B食, 但試過幾次都食到好似嘔咁既樣, 好奇怪, 俾陶寶B成條啤梨條食, 佢又食晒呢, 仲人仔細細食咗半個梨呀, 真係估你唔到.



另外近來最新試既就係提子, 陶寶B真係識食, 試過粒提子仲連咗少少皮, 佢識得自己食咗啲肉之後就吐翻啲提子皮出嚟, 真係食得招積!




終極一試, 飄來榴槤之香, 陶寶B我地一齊Share吓啦. 好嘢嚟架, 試吓啦!!!!

陶寶B: 呢舊咩嚟架, 好大陣味呀!!!!!  咦,,,食落又幾好味喎, 咁過癮既!!!



感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220527

全部攻略 499

全部回應 0