2012/12/24
今年既聖誕節雖然多咗個新成員陶寶B, 但係愛熱鬧既莎拉無有怕![]( "(tongue)")
, 都照樣係屋企搞番個House party同朋友仔歡度平安夜. 為咗方便啲, 所以大部份既食物都已order到會, 只係留番少部份食物自家製啦. 除咗有食物, 屋企少量既聖誕節佈置一定唔少得呀, 不過今年就無放聖誕樹啦, 因為陶寶B既物品估咗好多位, 地方變得淺窄, 所以少少地既Decoration就算啦.
![]()
呢個Wreath已經陪伴莎拉渡過咗第3個聖誕![]( "(winking)")
, 雖然當初買既時候覺得有啲貴, 但係都用到第4年啦, 咩都抵翻晒啦.
![]()
而呢個雪人就係朋友送架, 有LED燈加音樂, 好有氣氛架, 你睇陶寶B個樣就知啦.![]( "(cowboy)")
![]()
![]()
另一樣最開心既就係交換禮物環節! 為咗加添啲節目氣份, 莎拉仲係Blessings Cakes & Sweets order咗啲聖誕特別版既mini muffin, 唔好睇佢好似好甜, 其實一啲都唔會好甜好漏 (莎拉忍唔住食咗好多件呀!)
![]()
本來仲係東海堂買咗個蛋糕當陶寶B慶祝半歲生日架, 點知陶寶B就瞓咗, 最後就大人食咗呢
![]()
搞掂晒啲食物之後, 就pick up番陶寶B返屋企, Party正式開始啦. 陶寶B今次好叻叻啦, 啲姐姐哥哥們個個抱佢都沒有扭計, 抵讚呀! 玩咗1hr倒, 陶寶B就要小睡片刻叉一叉電.
![]()
陶寶B就真係瞓30min就起身啦. 不過一瞓醒就又可以精靈一陣間, 等大人們可以食嘢. Heehee,![]( "(big grin)")
真係好多嘢食, 成檯都放滿食物, 呢啲至係大食會feel呀!
![]()
食飽之後都差唔多10:30pm啦, 陶寶B出奇地食完奶之後, 閂埋房門出面嘈到拆天都可以瞓到, 真係深得莎拉既真傳呢!!! 而我地大人就繼續係出面玩21點, 最後就係交換禮物啦, party玩完都差唔多2am, 莎拉都好耐未試過咁夜先瞓啦, 真係攰到天分地暗. 雖然party沒有什麼特別節目, 但係一大班朋友一齊係暖笠笠既屋內玩吓啲小學雞玩意已經可以歡度呢個平安夜既晚上![]( "(laughing)")
.
![]()
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
