陶寶B係大約係4個月既時候就開始可以係Sofa自己座, 不過當然就唔係好穩震, 所以唔可以座得耐, 自己座一陣就會跣落嚟呀, 於是莎拉就諗起
Bumbo Chair.
呢隻Bumbo Chair係陶寶B未出世時就已經留意到, 不過當時太早啦, 未有呢個需要住, 所以就無買呢. 到咗而家有需要時, 就諗起佢啦, 不過Bumbo Chair既價錢都唔平, 加上好多媽媽都話好快就唔啱座, 所以莎拉都struggle咗一陣,
究竟買定唔買好呢?!
最後販家既莎拉都係買咗張俾陶寶B, 因為莎拉有一個好大既藉口, Heehee, 就係因為陶寶B要開始食糊仔啦, 但係因為仲未買High chair, 所以用住張bumbo chair嚟餵食糊仔啦. (
販家就販家啦, 多多藉口!!!)
好啦, 陶寶B第一次座落去, 好好奇, 好得意咁呢.
座定定就望吓望吓周圍先!!! (
八卦B一名)
之後就自己第一次捉住自己隻腳仔啦, Haha, 因為平時座既姿勢都掂唔到腳仔呢, 而家可以自己捉住啦.
咦???咩嚟架?!包住咗, 摸落下一粒粒既??!!! 食唔食得架?!
不過, 陶寶B都係只肯座一陣, 15分鐘之後就開始扭計啦, 人地話新C坑三日香, 阿
陶寶B就真係新櫈仔, 就三分鐘香!!!
PS: 有blogger告知莎拉, 原來bumbo chair係外國, 今年曾經有安全回收問題, 所以之後生產商就加多一條seat belt, 不過座呢張bumbo chair就千萬唔好leave him alone, 因為BB有趺出嚟既危險.