0

陶寶B百日宴

莎拉蛋糕 於 2012-10-08 00:00:00 發表  |  累積瀏覽 465

分類:
上星期10月1日係陶寶B既100日大日子, 唔經唔範就百日啦, 有時諗番起佢初初出世時既小BB樣, 而家真係大個咗好多啦.

一早已經決定攪百日宴, 因為BB比較大所以容易Handle佢, 同埋自己可以安排吓百日宴既嘢呢.

百日宴主要都係請比較close既親戚, 所以人唔多加埋都係一圍多啲, 但係雖然人少少, 都係都想整少少decoration俾啲氣氛(莎拉又一借口去販家). 因為圍數少酒樓俾既房唔大, 所以整banner或welcome board都唔可以, 於是莎拉就簡簡單單訂咗一束氫氣球, 可以用嚟作背景影相. 上網search咗好多間氣球公司, 最後搵咗間係觀塘工業區(係APM後面)既公司(
Mr balloon), 一束baby theme氣球加多一個100日既balloon都係$200, 唔太貴.

Heehee, 好可愛既baby ballon呀.




另外婆婆就預備咗啲紅雞蛋, 不過平時整及食紅雞蛋都搞到成手紅色好唔方便, 所以呢一次婆婆就用紅色玻璃紙包住隻雞蛋好似粒糖咁, 好得意呀!
(婆婆叻叻呀)



 
經過上次滿月時食飯, 陶寶B一扭計就好難影相既經驗,  所以呢一次百日宴都要plan好當日下午一定要俾陶寶B瞓覺, 因為怕佢夜啲食飯時扭眼瞓呢.



好彩當晚去到酒樓時, 陶寶B好精神好精靈, 仲逐一同所有人影完相, 之後就食奶瞓覺豬啦. 咁大人都可以食吓飯. (陶寶B既皇因浩蕩)




到咗切蛋糕啦, 莎拉媽媽就去番上次訂滿月蛋糕個間Domie(多美), 上次就3D直昇機蛋糕, 今次就訂番個普通啲既蛋糕, 上面有個座係度既BB, 哈哈哈, 不過唔知點解蛋糕師夫就整咗個似小朋友既肥BB出嚟呢!!!




陶寶B都好合作, 到咗切蛋糕時候就又醒咗, 等我地可以一齊切蛋糕影相.




陶寶B見到個肥BB公仔時個樣好搞笑, 好似想講"有無搞錯, 呢個肥B唔係我呢架!!! 我型好多"

陶寶B今晚既表現好叻叻呀, 等我食埋個蛋糕先嚟發爛渣, 好合作呢, 唔通真係過咗百日之後大個囝?!!!



感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 221683

全部攻略 499

全部回應 0