0

中秋慶團圓

莎拉蛋糕 於 2012-10-02 00:00:00 發表  |  累積瀏覽 377

分類:飲品美食
自從家中有咗個小BB之後, 而家生活上既細節都要協調吓, 盡量要match番陶寶B既Schedule, 要計一計陶寶B幾點食完奶, 咁我地先可以食.

又到中秋節啦, 又係大閘蟹出籠既時候, 莎拉成年無食蟹啦, 係時候會一會啦, 所以就不如係中秋做節時食今年既第一擊大閘蟹啦!!!
 
莎拉去到九龍城買蟹時, 本來想一人2隻, 但諗諗吓都係唔好啦, 因為陶寶B每晚只會俾15分鐘我地食飯, 15分鐘後就會開始扭計, 所以食2隻大閘蟹應該唔可以慢慢嘆呢, 咁所以最後都係1隻先啦. 今年啲大閘蟹真係比較上年平咗好多呢, 睇怕好快會再encore呀!!!!

其實莎拉每逢過節既晚飯, 都係鐘意在家中食做節dinner多過出街食呢, 因為係家中食飯特別有做節既感覺, 不過就辛苦晒媽咪啦, 雖然有菲傭幫手, 但點都係麻煩多嘢整呢!!!

做節晚飯真係特別豐富, heehee, 雞同燒肉就一定有, 炆冬菇+餓掌就係近來莎拉既"飛佛"!!! 最正就係豉汁蒸鮑魚, 諗起都想食呀!




重點就係隻大閘蟹, 真係好多膏呀!!!! 好美味呢, 大愛呀! 一定要再encore先至得!! (暫時忙記膽固醇呢樣嘢先!)



食飽晚飯就到甜唔時間啦, 雖然今年買唔到嘉麟樓或九龍酒店既奶黃月餅, 但都買到半島酒店既奶黃月, 不過試過之後覺得半島既比較油同甜, 食落無嘉麟樓或九龍酒店既咁好食呢. 所以下年都唔會再買lu!




除咗奶黃月餅, 仲有傳統既雙黃蓮蓉月餅同麻蓉湯圓呀, hahaha, 食完真係飽到上心口呀!! 食完呢餐肥呀, 下個星期要on diet先得到!!

食飽飯就賞吓月啦, 謝菲爹哋抱住陶寶B搵吓個月亮係邊先.

爹哋抱住好C服呢, 如果次次都扭抱時有得抱就好啦!!!




感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 221844

全部攻略 499

全部回應 0