0

我在座月的日子

莎拉蛋糕 於 2012-08-01 00:00:00 發表  |  累積瀏覽 125

分類:
莎拉懷孕至後期, 好多人都提醒及強調座月既重要性, 起初莎拉都抱住半信半疑既態度, 不過當自己真正座月時, 如果可能, 莎拉都會盡量去跟呢.

未生BB前, 一直覺得沒得出街一個月, 有如座監咁, 簡直係人都癲呀! 不過當自己真係座月時, 莎拉就發覺其實呢一個月時間過得好快, 唔經唔覺就座完月子啦, 因為每一日都係忙碌中度過.

生活篇:

基本上呢一個月既日子, 每日大約3-4HR就不斷循環做以下呢幾樣嘢:

幫BB換片片--->餵奶---->逗BB瞓覺--->自己休息

所以其實時間過得好快, 因為唔覺就又過咗幾個鍾, 又要重複啦, 所以呢段時間真係唔覺得悶呢. 而餵奶時睇電視, 上網及不停同BB影相已經係重點娛樂啦.

飲食篇:

因為莎拉係開刀既關係, 所以頭一個月都不適而進補, 而好多順產既媽媽食既嘢, 莎拉都唔食得呢, 一切飲食都係以清淡為主. 一日三餐都係"飯, 飯, 飯", 莎拉從來都無係早餐食早飯呢, 所以呢一個月內, 莎拉真係食番平時一年唔食既飯量, (以往莎拉唔多食飯架!!!), 正式成為一個不節不扣好正氣既飯桶呢!!! (因為啲人話食飯係正氣呀)
而食既餸來來都係, 蒸雞, 蒸肉餅及蒸田雞, 莎拉不知不覺都唔知食咗幾多隻雞及幾多隻田雞啦!!!

除咗三餐食飯, 仲要飲好多湯水, 一切可以提升人奶量既魚湯, 莎拉全部都有飲, 一日起碼4-5碗, 好彩本身莎拉都幾鍾意飲魚湯, 如果唔係都幾難頂架.

另外仲要飲好多好多代茶(即係炒米焗水)及黑豆焗水, 因為一直都唔多媽媽奶, 而聽講黑豆焗水可以有幫助, 所以莎拉唔理咁多啦, 一於全部照飲, 每日加埋都有成8-10杯呢!

個人護理篇:

莎拉本來都諗住過咗十二朝先洗頭, 一早買咗啲免水洗既清潔用品, 但係到咗第6日, 莎拉對住塊鏡望一望自己個頭, 真係頂唔順啦, 所以就係第6日已經洗咗頭, 而座月期間洗頭後就一定要吹乾頭髮呀!

而沖涼呢, 莎拉就真係打破咗個人記錄, 最後係差唔多15日先第一次全個人全身沖涼, 個種感覺真係好爽呢, 好彩而家夏天全日在室內開冷氣, 所以個人都好爽沒有出汗. 不過, 就算沒有全身沖涼, 莎拉下半身都會沖身, 而上半身就抺身. 而座月期間, 每次沖涼後都會用薑水沖身. 唔知係唔係心理作用定係真係有此感覺, 沖涼時真係覺得比以前覺得個身涼涼地, 所以最後用薑水沖身, 真係可以比較暖啲呢.

後記: 座月既日子好快就過去, 雖然已經過咗1個月, 不過莎拉係第二個月既生活同座月都係差唔多, 不過就已經可以出街街呢.


感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 222543

全部攻略 499

全部回應 0