不過我地會努力湊陶寶B, 令你變為大隻B架啦.
陶寶B因為係搶閘出世, 所以莎拉原先既PLAN 完全被打亂陣腳, 倒瀉攞蟹!!! 本來幫手湊BB既婆婆而家仲係加拿大, 未趕得切飛返嚟香港呢, 所以而家莎拉就自己主力湊BB, 不過好彩都有老公個邊既家人幫手煮吓莎拉下午既LUNCH!!!
另外本來一直諗住順產, 點知最後開刀, 所以啲開刀座月既準備或注意事項, 莎拉完全唔知, 好彩媽咪既好朋友過嚟幫吓手提點開刀座月既嘢, 又幫手同陶寶B沖涼, 所以可以等莎拉同謝菲呢PAIR新手父母, 無咁傍徨咋!!!
雖然湊BB之路一啲都唔平坦, 一啲都唔容易, 但只要陶寶B健康成長, 幾辛苦都無問題呀!!!