陶寶B滿月啦!!!!

陶寶B滿月啦, 同樣係莎拉出關既大日子呢, 好開心呀終於都放監啦, 莎拉第一時間就出街剪頭髮先, 因為本來諗住生之前剪頭髮, 但係陶寶B既突襲, 搞到未得切剪頭髮, 所以座月期間個髮型好唔爽呢, 唔好講咁多啦一出關就去剪個靚髮先.

因為覺得陶寶B得一個月人仔, 都仲係細太細個呢, 所以決定唔擺滿月啦, 只係兩家人出去食餐飯, 到時百日宴先攪大啲呢.

滿月既大喜日子, 陶寶B係今日既主角喎, 當然要靚仔啲呢, 所以陶寶B就著番件新衫仔, 戴番頂帽仔, 嚟個店小二Look見吓大家.



呢一日係除咗去健康院之外, 第一次帶陶寶B出街去酒樓, Hahaha, 莎拉同謝菲真係好似歷冒險咁準備一切所需身物品(好似打仗咁), 以防陶寶B係中途醒咗, 所以都要帶齊開奶既用品.

第一次用條BB揹帶, 呢個咁神聖既重任, 當然係交俾謝菲爹哋啦,  heehee, 揹住個仔既look都唔錯呀!!!



出街之前已經餵飽陶寶B, 同佢上足電, 所以去到酒樓咁嘈都自己安靜咁瞓覺豬, 抵錫呢.



到我地大人食飽飽既時候, 陶寶B都起身啦, 不過就好扭計, 鬼咩, 因為佢係肚餓所以醒咗啦, 所以影既相全部都係谷到塊面仔紅晒.



小朋友生日當然要有蛋糕, 多謝姨姨訂既3D直昇機蛋糕呀, 好cute好靚呀, 姨姨話喻意好似Helicopter咁蒸蒸日上, wakaka!!!



陶寶B, 媽咪同爹哋祝您快高長大, 健健康康, 做個快樂B!