仲有個多月陶寶B就好快出嚟同大家見面, 所以莎拉都開始第二階段既清胎毒, 因為驚陶寶B會搶閘出世, 所以都係早少少開始2nd Stage既清胎毒.
莎拉就去藥材鋪買白蓮鬚, 之前見有啲blogger話好平, 但個日係藥材鋪, 個店員話加埋葡萄乾呢, 所以最後就執咗每包$20一份量既
白蓮鬚加葡萄乾, 點解好似貴咁多, 唔通莎拉又俾人呃?!!!! ![]( "(crying)")
第一次煲呢個白蓮鬚葡萄乾, 見好多人都加隻蛋, 莎拉都試一試, 3碗水煲至1碗水, 最後加少少糖. 飲落唔係苦, 但係覺得好"鞋"口, 好"劫"呢, 絕對唔可以話好飲呢, 加埋隻蛋, 真係好飽呢, 下次都唔加蛋啦, 廢事食完頂住個胃呢!
![]( "(worried)")
![]( "IMG_0162-1")
呢包就係既真身啦, 黃色果啲就係白蓮鬚, 而大大舊既就係葡萄乾.
而家大約就一星期飲一次, 再過多兩星期就會每星期飲兩次, 希望呢餉第二階段既清胎毒會令陶寶B皮膚靚靚啦. ![]( "(love struck)")
![]( "IMG_0163-1")
今個禮拜又返去陳醫生度做產檢, 又可以見到陶寶B啦!!! 今次陳醫生度一度, 陶寶B而家大約2.23KG, 即係差唔多5磅啦. 唔怪之得陶寶B而家踢我越嚟越大力啦![]( "(thinking)")
, 因為佢又大隻咗啦. 如果以呢個進度, 希望陶寶B係出世時有7.0-7.5磅啦!!!
又到同陶寶B影相時間啦, 俾佢激C呢, 又係唔俾我地睇全樣, 同上次一樣, 又係擋住個咀仔呀!!!! 唔通佢知我地同佢影相, 所以特登同我地玩遊戲?!!!![]( "(laughing)")
![]( "IMG_0164-1")
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
