0

1st month成長之路

莎拉蛋糕 於 2012-08-13 00:00:00 發表  |  累積瀏覽 327

分類:
時間過得好快, 真係話咁快陶寶B已經過一個月大, 係呢個月為咗方便記錄底陶寶B既生活情況, 莎拉係之前就print咗個excel表, 可以mark底BB食奶及大小便既時間及份量, 等自己可以清楚啲, 如果唔係有時真係唔記得佢上一餐奶係幾時食, 對上一次便便係幾時呢. 呢一疊Excel表代表咗陶寶B既成長里程架. 不如就寫番個成長之路, 等莎拉媽媽可以嚟個"中途檢討"!



體重及身長:

陶寶B出世時只有2.56KG(5.6磅), 而經過一個月既努力下, 已經增磅至3.8KG(8.4磅), 而身長就由出世時43cm增加至約52cm啦, 有啲衫就都開始唔啱著啦. 見到呢啲指數, 真係好開心架. 雖然佢早咗出世, 但係而家都叫做追番上大隊啦, 總算環可以呢. 而家望番佢個面珠仔同手腳仔, 開始見到有啲肉地, 真係好想大力鍚啖呀!!!

食量:
出院時食少於1oz奶到一個月後食3-4oz, 食量真係進步得好快, 每日都會食7餐 而家佢一肚餓時, 真係餵遲一陣都唔得呀, 因為陶寶B會喊到拆天咁架.
莎拉都有餵人奶, 不過量真係唔多呀, 只可以好似當甜品咁俾佢食, 如果只靠人奶就真係唔可能呢, 不過莎拉都已經唔再強求啦, 自己有幾多就餵幾多, 可以餵幾耐就餵幾耐啦, 緊記唔好俾壓力自己!!!

活動能力:
陶寶B係2星期時候, 個頭仔已經可以係床度兩邊自己轉側. 而到咗一個月大時, 條頸仔已經好有力, 唔再似出院時成舊棉花咁. 對腳仔踢人時仲鬼C咁大力添, 所以而家抱起佢, 感覺已經硬淨咗好多! (陶寶B, 你硬淨好啦, 唔好硬頸就得!!!)

作息時間:
頭2-3星期日頭瞓得好"林"(真係點攪佢都唔醒), 所以一到晚上係特別扭計, 食完奶之後, 抱一陣一放落BB床就成個醒晒, 跟住仲喊到拆天, 真係無佢符,因為真係唔可能抱住佢瞓成晚架嗎, 所以最後我地都要好忍心唔好抱住佢瞓, 等佢係床度自己喊一陣, 之後喊到疲倦就自然會瞓, 不過呢個由得佢喊既過程真係好難頂, 但係過咗2-3晚後, 扭計情況已經可以改善. 而平均每日陶寶B都要瞓16-18hrs, 不過有時係日頭好精靈, 但係有時就係夜晚, 真係捉唔到佢路呢, 希望佢大啲情況可以改善啦.
 




感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 221678

全部攻略 499

全部回應 0