之前一直對政府醫院既印象都係麻麻地
![]( "(confused)")
, 總係覺得政府嘢好求其, 但係自從今次係廣華生完BB之後(
廣華生B記(上);
廣華生B記(下)), 就覺得廣華既婦產科服務真係唔錯. 因為莎拉係開刀既關係, 所以出院之後會安排社區姑娘上屋企作家訪呢, 呢個Service真係出乎意料呀, 因為開刀後, 媽咪會有傷口痛既問題, 所以有姑娘上門follow up真係可以方便媽咪呀(好細心呀
![]( "(applause)")
).
係廣華出院之前, 已經有姑娘嚟同莎拉Confirm出院後有社區姑娘上屋企家訪, 27/6出院, 已經安排第二日28/6有姑娘上門呢, 真係
效率好高呀.
![]( "(smile)")
28/6一早9am, 姑娘已經到啦, 呢啲姑娘係明愛醫院派嚟架, 佢地除咗會幫媽咪洗傷口及拆線之外, 仲會檢查吓子宮收縮既進度. 另外姑娘都會問吓有關照顧BB既情況, 例如有無人幫手湊BB, 點樣消毒幻樽, BB食奶有無問題, 識唔識換片, 教媽咪幫BB洗肚臍, 餵人奶及幫BB探熱等等問題, 所以其實對一位新手媽咪呢講, 呢位家訪既姑娘就好似救星一樣, 因為可以將湊BB既一切疑問, 通通有人現場答你教你, 唔駛咁傍偟.
![]( "(winking)")
前前後後, 社區姑娘總共上嚟家訪咗3次(直至子宮已經收縮至正常), 每次莎拉都會問好多有關照顧BB既問題, 所以次次家訪都有成45分鐘架. 而收費真係好平, 每次姑娘
家訪都只係收$80, 真係好抵呀!!!! 講真就算自己搭的士來回健康院都要$50-60啦, 但係而家人地上門都只係收費$80, 呢個醫管局provide既service真係好抵讚呀!!!
![]( "(applause)")
![]( "IMG_0543")
