呢個星期開始, 每個星期二開始上BB Care既產前講座啦, 一連4堂, 每次差唔多2.5hr, 所以一放工就要雞咁腳拿拿聲走啦, 因為都要食咗嘢先上堂呢.
入到課室, 就首先收到一份禮物包, 都幾大份呀, 有2包初生既pampers尿片, huggies尿片及濕紙巾samples, 產後衛生巾, 防妊娠紋cream, BB shower gel, 哈哈哈, 而家屋企都收埋唔少samples.
估唔到有咁多人報讀呢, 班房細細總共有18對couples呀, 每對couples就有一個dummy baby用嚟練習換尿片.
今日第一堂就講解懷孕期不適及護理、入院準備及程序、作產的先兆及處理、自然分娩的過程、分娩的減痛方法、常見初生嬰兒皮膚小毛病及理大小便及換片程序、面部清潔技巧及日常皮膚護理. 最搞笑係試換尿片, 莎拉同謝菲都雞手鴨腳, 如果呢個係陶寶B的話, 睇怕佢一定喊到拆天都似, 因為我地兩個係個舞佢, 一定唔舒服呢.
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/