好朋友生日, 幾個女仔Friend就可以嚟個Ladies Night Dinner啦. 決定去邊度食飯前, 當然要問一問生日既好朋友想食咩, 點知佢話想食"懷石料理". 莎拉都未食過"懷石料理"呢, 只知道係一個好精緻又好貴既日本料理呢. 於是就上openrice serach吓有咩懷石料理既餐廳, 最後就揀咗呢間係銅鑼環既"
板前割煮".
莎拉都知道"懷石料理"唔平呢, 不過真係估唔到係要每位接近4位數字呢![]( "(worried)")
. 但係最搞笑就係我呢位朋友, 佢以為"懷石料理"係在舊石上面燒食物(stone grill), 真係俾佢笑C呀![]( "(laughing)")
, 所以佢食呢餐飯時就勁唔好意思, 因為價錢咁"甘". Heehee, 不過唔緊要啦, 人一世物一世, 咩都要試吓呢, 橫搭我地全部人都未食過, 見識吓咩听"懷石料理"都好架.
莎拉前一晚booking既時候, 餐廳就要confirm是否食懷石料理, 因為師夫需要從日本order食材, 待明天可以空運到港(嘩![]( "(surprise)")
,,,,咁尊貴, 唔怪之得收呢個價錢啦).
好啦, 終於都嚟到我地4位朋友仔都極之期待既Dinner啦, 莎拉仲帶定相機影相, 點知一開部相機係無memory card (Oh No![]( "(crying)")
!!!!!!!!!邊個係上一手用家呀?!!!謝菲你好嘢呀!!!!), 唉,,,莎拉唯有用自己部cheap cheap手提電話影啦.
全set既"懷石料理", 一共有9道菜, 主耍係魚既料理, 賣相精緻就不在話下, 而所有食材都係日本空運嚟, 所以有啲食材真係之前都未見過呢, 最surprise就係個天婦羅, 平時食既好多時都係炸蝦炸青椒等等, 但係呢晚係tempura係炸魚, 炸海膽及一種好之前都未見過既蔬菜, 而家諗起都好想食呀!!!![]( "(thumbs up)")
其實dinner食咩都無咩所謂, 最開心就係當然可以同班女仔Friend傾計, 我地傾到人地鋪頭都要打烊啦, 真係口水多過浪花!!![]( "(big grin)")
![]( "IMG_0027")
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
