有咗陶寶B之後, 莎拉同謝菲而家都會特別珍惜兩人拍拖既日子, 雖然我倆已經計劃過傾過, 就算第時陶寶B出世後, 都要每個月搵時間出去拍拖二人世界一吓.因為兩夫妻有咗小朋友就真係好多時都會忽略咗兩夫妻既感情呢! 雖然自己就識話就係咁話, 但都好驚到時未必可以做到呢.
2012/3/31 星期六過咗一個開心既一日, 其實都無咩特別, 只係好relax好充實呢. 早上起身就係屋企hea吓上吓網, 之後就準備咗謝菲好鐘意食
![(thumbs up)]()
既"
冬陰味雞絲扎肉金邊粉"等佢放工返嚟食lunch.
下午既節目就係莎拉整咗啲新鮮出爐既"
藍莓脆脆muffin"作為3點3下午茶!!!
到咗夜晚, 就去Elements睇"春嬌與志明", 係開場前就係Haggan dazs食咗個好滿足既dessert, wakaka, 有6個不同口味既雪糕球, 雖然大肚既莎拉唔應該食咁多生冷嘢, 不過有咗陶寶B之後都係第一次食雪糕咋, 一次咁多啦.
食完之後就準時入場睇"
春嬌與志明"啦, 睇完真係好開心, 因為呢套戲入面有好多"抵死"既對白, 而大家記住睇片尾呀, 因為真係笑死無命陪呀!!!!