九寨溝家家樂之旅-Day 3(下)

九寨溝既空氣真係好純淨, 你可以感覺到一啲廢氣都無, 真係抖氣時都大啖大啖咁索多兩口呀! 我諗如果係呢度住番一兩個星期, 人都健康啲呀.

下午既第一站就去到"諾日朗瀑布", 其實見過今朝既珍珠灘瀑布後, 呢個諾日朗瀑布就相對變得小兒料啦.

之後就去到"犀牛海"及"老虎海"啦, 講真唔講真係分唔出邊個海打邊個海呀, 因為真係好相似呢. (莎拉都係打blog時去番個official website睇啲相先分到咋)





聽當地導遊講, 九寨溝都好吸引外國遊客, 但係佢地就鐘意自己行山或單車, 唔似中國人咁會搭巴士呢. 而導遊仲話, 九寨溝公園計劃緊騎馬遊覽呢. 如果有得騎馬, 聽落都幾好玩呢.

再去下一個景點就係"樹正溝瀑布", 沿住旁邊既棧道就可以行到去"樹正群海"呢.





下午既溫度已經上升至約0度, 所以行起嚟都好舒服呀. 行到盡頭就會見到有幾間藏民既小屋同一個"藏族轉經筒".




原來呢幾間小屋叫"樹正水磨房", 以前裡面有啲石磨係用水推動呢, 但係而家已經封住咗無再用啦.

係九寨溝內既最後一站就係"五彩池", 淨係聽個名都估到啲池水一定好colorful呢.

無錯呀, 呢個池係全九寨溝內顏色最艷麗既一個. 比起今朝見到既五花海, 佢啲池水仲更加彩藍呢!!!

相比起昨日既黃龍之行, 今日其實行得好舒服呢. 雖然後期啲風景都已經大同小二, 但係莎拉都非常享受係呢度既每一個風景, 每一啖新鮮既空氣. 你睇莎拉咁free咁瞓係度, 媽咪同細妹就好"滋陰"咁係度嘆茶同嘆抖知我地幾enjoy呢個moment!!!



係九寨溝既行程就到此為此啦. 係公園出口沿路行返去旅遊巴士, 見到街邊兩旁有好多地道小食, 不過莎拉就真係無膽試啦, 因為一眼望落去都已經覺得好肥膩啦.

下一個節目就係"藏族家訪烤羊"啦, 呢個係自費活動呀, 盛惠¥150. 基本上整團人都有參加, 雖然呢個activity有點貴同有啲唔係好抵, 但既然老遠嚟到九寨, 見識吓藏族啲飲食及風情都要既. 一落車每人就掛一條黃色既巾及用水清潔雙手嚟歡迎你, 之後就可以轉動經文筒祈吓福.



間屋既外貌非常colorful, 畫有好多圖案.


之後就安排全團人入去一間大房, 檯上已經放好晒一啲食物.

排排座好後, 就為我地獻上"酥油茶", "羊肉湯", "烤耗牛", "青稞酒". 呢啲都係藏民既傳統食物. "酥油茶"飲落甜甜地有啲似花生糊既味道. 而"羊肉湯"飲落又真係一啲"酥"味都無喎. "烤牛肉"既味道好原始呢, 好似以前啲大漢咁大啖大啖咁食. 至於"青稞酒"真係好鬼C勁, 好"kuan"呀!

我地就一路食一路聽佢地唱歌. 雖然嘢食既味道及佢地既歌聲未必係最好, 但係就真係體驗風情搭夠.

臨走前就可以圍住個火跳舞, 哈哈哈, 莎拉同細妹就無參與, 相反媽咪就跳得好開心呢.

之前用嚟歡迎我地既黃色巾可以放番係呢隻牛頭上, 幫我地祈福!


返到酒店抖咗一陣就又落去食Dinner buffet啦, 不過先前食既藏民家訪時, 都已經食到6,7成飽啦, 所以都係咁二食少少嘢, 呢一晚俾我發現咗有酸辣粉食呢, 仲要係即叫即整呀, 好味呢!!!

今晚係九寨既最後一晚節目就係去九寨天堂大劇院睇"九寨天堂夢幻之旅晚會"呀, 當然都係自費啦(¥180), 呢個表演係附屬洲際酒店集團架. 表演全長75分鐘, 內容主要係有關九寨溝既一啲傳說而化作歌舞表演, 個Show都算ok. 服裝都係好閃閃好華麗!





呢啲就係藏民用嚟祈福既紙, 方法係向天拋呢!!! (唔知真係好大吉利事呢, 因為有啲似漢人既"衣紙"!)

哈哈哈, 最正係啲男演員呢, 個個都好高大靚仔呀, 我同細妹成晚係度分析邊個最靚仔呢, 因為當全晚表現完結之後, 觀眾可以行去台上同佢地影相呢!!!! 機會難得, 莎拉當然要搵個最場最靚仔個位啦, 呢個個樣有啲似"言成旭"feel呢!


睇完表演返酒店都已經係9:30pm啦, 正想早早沖涼時, 居然無水呢, 係泠熱水都無呀, 酒店回覆有條主喉正修理緊呢,,,,,,,,真係dead air呀, 最後好彩等到11pm先有熱水, 但係最慘係啲熱水有少少黃黃地既色呢, 不過無辨法啦, 明早又係0600 morning call呀, 所以點都唔再等啦. 沖就沖啦!