0

九寨溝家家樂之旅-Day 3(上)

莎拉蛋糕 於 2011-11-21 00:00:00 發表  |  累積瀏覽 329

分類:長線旅遊 特色景點 ;地區:中國
前一晚9pm早早就已經上床瞓咗, 所以今朝早上呢個6am morning call都仲頂得住. 酒店內既buffet早餐還可以, 起碼我唔駛食冷冰冰既嘢! 由酒店出發去寨溝大約30分鐘, 旅遊巴只可以停係入口附近, 行大約10分鐘就可以到公園入口.


雖然而家只係7am, 但公園入口已經人頭湧湧啦. 2位導遊行開咗, 就頂住檔揸吓旗仔先.


期間見到個著晒藏族傳統服裝既男人, 嘩好似金庸小說裡面啲"大漢"咁款呢.


公園內只可以座指定既電瓶車(環保車), 所以一係你就座公共電瓶車巴士, 而另一個option就係全團人包一架電瓶車, 好處就係包車可以自由選擇景點, 所以我地可以先去後面遠啲既景點先, 咁就可以避開人潮, save好多時間架. 整團既團友都一致決定包電瓶車, 除開平均, 每人約¥290. 真係好彩選擇包車咋, 因為入到去見到啲公其巴士真係好多人搶住上車呢.
今日天氣真係好好, 天朗氣清, 天上一啲雲都無, 我地呢次trip真係好好彩呢, 又再一次遇上好天氣!

上好車我地就出發先去樹正溝既"火花海". 而家仲係清晨時份, 所以溫度都仲好低, 水面就仲有一層既霞氣, 真係好似人間仙境呢. 第一眼親身見到真係覺得已經好靚, 但原來後面既景點就仲靚呢.




點解九寨溝內既景點, 明明係湖, 但係點解會叫做"xx海"呢? 原來因為呢度既藏民一生都未見過海, 所以呢啲咁大既"湖"係佢地心目中就好似海咁樣呀!

第二個去既就係"鏡海", 固名思意就即係指個湖好似鏡一樣. 但係睇唔睇到呢種"鏡"既效果就真係要睇彩數呢, 因為一有少少風就睇唔到架啦. 好緊張呀, 究竟會唔會睇到呢??
嘩嘩嘩,,,,,真係明幅其實係"鏡海"呀. 個湖真係好似鏡一樣咁平, 湖泊周圍既風景就好似一面鏡咁反映係湖面呢, 無論係任何一個角度都係鏡.


見到呢個"鏡海"就真知道咩嘢叫水平如鏡啦. 係呢一度真係謀殺咗我唔少菲林. (初頭導遊話"鏡海"唔一定睇到, 初時我心諗仲以為係導遊氹我地, 點知下午再經過"鏡海"時, 就已經有風, 見唔到"鏡"既效果啦).


下一站就係九寨溝最出名其中一個景點"五花海". 一落車見到, 真係唔禁相信自己對眼, 天然環境竟然會有如此"彩藍"既顏色, 襯托住山上變色中既山林, 真係靚到不得了, 好難用字去形容呢幅咁靚既圖畫!






終於明白點解九寨溝會被譽爲"童話世界". 就係眼前呢個風景都已經覺得呢個trip係值得去啦! 湖水真係又藍又綠, 好靚喔, 啲相影出嚟湖水好似電腦加咗色咁(100%無電腦後期加工架)


當日仲見到有人係呢度影結婚相添呀!


其實五花海整個範圍, 位高處腑覽既時候係一隻孔雀開屏既形狀呢. 似唔似就真係要加上自己既想像力先得啦!  


一連睇咗幾個"海"之後, 我地就去睇啲動態啲既水啦, 下一站"珍珠灘". 環保車停係珍珠灘瀑布既上流入口停低, 就可以自己慢慢沿住行落去.




珍珠灘呢個名既由來, 係因為啲水好似一串串既珍珠, 所以因而命名.



珍珠瀑布旁既棧道.




而家係11月初啦, 基本上好多樹都已經轉做黃色呢, 我諗如果早兩個星期, 一定紅葉會多好多呢,


下一個海就係"熊貓海", 因為呢度以前有好多熊貓係呢人個湖附近活動, 所以就叫"熊貓海"啦. 


呢度啲湖水同樣係藍色, 但係真係每個湖既顏色都有少少分別, 真係藍得嚟都分好多種呢.
IMG_4770

沿住湖邊仲有啲人係度出租民族服裝俾遊客影相呢(好似係¥35一次呀).


雖然我地要睇既景點真係好多, 但係每個景點, 導遊都有足夠既時間俾我地慢慢影相, 一啲都唔急呢.


食LUNCH之前, 包車路經"箭竹海", 我地又落車影一影相呢.


"箭竹海"其實係在"熊貓海"旁, 因為湖邊周圍有好多熊貓鐘意食既箭竹, 所以先會叫"箭竹海"呢!


行咗成日, 都係時候開飯啦. 成個九寨溝就只係得呢個"諾日新朗旅遊服務中心"裡面先有得食. 裡面主要係Buffet形式, 分不同價錢既區域, 旅行團包既就當然係最經濟既¥60/位個種啦.


哈哈, 一人一個好有"監獄"feel既托盤呢.....呢度既嘢食都算OK, 熱辣辣, 起碼好過琴日係黃龍中午個餐, 唔駛我開杯麵呢!


食飽就係中心入面行吓啲擹檔仔, 有好多富有當地民族風既用品呢.


感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:中國
  • 攻略時間:1日以上
    是次消費:N/A
0人比"掂"

最多能輸入300字

累積瀏覽 220702

全部攻略 499

全部回應 0