九寨溝家家樂之旅-Day 5(上)

今朝係峨眉山既行程, 又係0600 morning call, 因為要早早趕上峨眉山呀! 天落住毛毛雨, 聽導遊講原來成都呢度既天氣日日都會好似咁樣, 日日都係濕濕漉漉, 天灰灰咁, 呢啲天氣真係令人好無mood呢!!!

酒店既早餐無謂提啦, 因為真係一啲都唔似5星酒店呢, 或者係國內既5星級Rating啦. 

去到峨眉山腳既廣場, 等轉座指定既環保車呢.



上山既路, 沿途都係好大霧呀, 能見度真係好低好低, 啲灣又急喎, 最衰過司機仲要係窄窄既山路行對面行車線爬頭, 真係全程一啲都唔禁瞓覺呀, 因為驚有意外呢.

由山腳座咗1.5hr車, 去到山上, 但車已經唔可以再上啦, 要自己行約30min既山路去搭纜車上山頂.

雖然係行30min, 但全部都係樓梯都咪話唔攰呀.

再座2min既纜車就到山頂啦, 纜車內好多人呢, 最慘係車箱內好焗好嗅呀!!!!

上山既時候, 導遊都話山頂海拔3079米, 所以山上既天氣都係變幻莫測, 如果好彩係雲上, 咁就可以清楚見到金頂呢. 我地呢日既行程又係一再好彩, 上到山頂, 見到少少雲海.

清清楚楚見到晒成個金頂呢, 而旁邊既係金殿及銀殿



呢個就係"四面十方普賢金彿像". 一場嚟到, 媽咪都會上番注香呢!!!

而呢個就係"捨身崖", 聽講係啲修導成仙既僧人, 會係呢度跳落去呢,,,,,,,,我只係諗起古天樂及鄭秀文既"百年好合"係呢度取景呢.

崖邊既好多人整啲鎖係度, 相信都係啲情侶係度許願啦.

落山既途中, 見到好多仲耍係好大隻既馬騮呢, 佢地好惡架, 仲會搶人嘢食呢.



今日既lunch係食素菜, 一大碗豆腐加上四川既辣椒醬又幾好味呢, 食過lunch之後就又座2hr車番去成都啦!