話說之前係facebook度曾經見到有啲朋友去咗一間日式鐵板燒既餐廳, 個廚師會用炒飯既材料去砌啲公仔圖案, 好鬼得意呢, 於是就去openrice度search呢一間餐廳, 原來呢間鐵板燒叫"
秋田", 再望一望啲價錢, 真係嘩
![(I don't want to see)]()
咗一聲呢, 因為真係好貴呢, 無咩特別原因都睇怕唔會嚟食, 所以呢間餐廳一直都係我個"must try" list度.
而謝菲知莎拉一直好"恨"食, 所以就一早神神秘秘book咗呢間餐廳作為我生日慶祝晚飯!!!!
星期五晚, 餐廳內未算多人, 而每一張鐵板燒檯可以座6人, 當晚我個張檯就另外夾咗2pair既couples.Menu內有套餐, 有散叫, 而我地當晚就order咗個套餐, 由頭盤至甜品, 總共有10道菜.
當我地係度正想自拍時, 個鐵板燒師傅就好主動咁話幫我地影相呢, 真係好service呀!
鐵板燒旁邊有糸多隻雞蛋殼, 正正諗緊係咩嚟, 原來係appertizer"
鵝肝蒸雞蛋配魚子醬", 一人一客.
一啖食落去, 真係好好味呀, 雞蛋夾住魚子醬及鵝肝嚟食真係好香滑.
![IMG_5346]()
而係我地慢慢係度嘆緊個蒸蛋時, 師傅已經開始準備我地第二道菜:
龍蝦.
龍蝦係來自印尼既, 師傅好純熟咁將隻龍蝦拆肉起殼, 燒燒吓時師傅話佢要落酒點火, 真係on fire呀!!!! 龍蝦既味道唔駛點形容, 一個字: 鮮!!! 師傅用龍蝦頭內既膏嚟煮咗個sauce, 真係ichiban呀!!!
再嚟就係
鐵板燒活鮑魚, 我都係第一次近距離見住隻鮑魚係咁煮, 隻鮑魚仲係咁係度郁!!! 每人有一隻既份量, 鮑魚加上少量既蒜蓉, 好香呢, 食落就好彈牙
![(thumbs up)]()
呢!!!
嘩嘩嘩
![(drooling)]()
, 其中一個主角嚟啦, 就係萬眾期待既 "
香煎頂級鵝肝",
![IMG_5362-1]()
唔係講笑, 塊鵝肝真係好厚, 同塊toast真係一比一咁厚架!!! 再次高叫: 膽固醇萬
歲!!!!![(tongue)]()
![IMG_5371]()
食完個鵝肝Toast, 有啲"漏漏"地, 飲番個用先前既龍蝦殼煲既高湯, 老實講, 呢個就真係麻麻地, 因為有啲淡, 唔係太飲到龍蝦味呢.
![IMG_5377]()
本食個套餐裡面就有個"和牛薄燒", 但係因為莎拉又好想食到個種大大粒cube既和牛粒, 所以就upgrade咗做8oz既澳洲和牛排呢!!!! 師傅燒得好好食, 5成熟剛剛好, 加埋啲好脆口既蒜片, 真係一食落口就唔想講嘢
, 因為個牛粒真係好juicy呀!!!!
![IMG_5376-1]()
而呢間鐵板燒其中個gimmick就係炒飯既材料(櫻花蝦, 蔥, 飯, 魚子醬) 去砌啲公仔圖案, 而當晚師傅就對住同檯其中一位client 既 iphone case砌出little twins star公仔呢. 師傅真係好俾心機去砌呀, 差唔多前後用咗成30分鐘呢.
![IMG_5383]()
生日既朋友當然可以叫師傅寫字啦, 啲字係用雞蛋黃嚟寫架.
![IMG_5391]()
真係一定要影番張相呢,,,![(love struck)]()
![IMG_5395]()
大家玩完影完相後, 師傅就真係開始整秋田炒飯啦, 一人一大碗, 加埋個炒翠玉瓜, 食完就真係飽飽啦.
![IMG_5397-1]()
當我以為個"精選甜品"係雪糕時(我啱咗一半啦), 師傅就攞出一碗粉漿同一碗紅豆蓉, 哦,,,,原來師傅係整叮噹既"飛彿"豆沙餅呀!!!!![(blushing)]()
![IMG_5405-1]()
除咗有豆沙餅食仲有雪糕呢, 呢兩個dessert真係為呢一晚dinner畫上完美句號呀!!!!
當正想埋單既時候, 待應話送番個birthday cake俾我呢, 真係估佢唔到, 個cake係chocolate fudge, 味道都唔錯呀, 太飽啦, 所以最後都KO唔到個cake呢.
![IMG_5417]()
雖然呢一餐真係一啲都唔平(真係食爆呀謝菲個銀包呀
), 但係成晚個dinner真係食得好開心, 好似睇表演咁望住廚師為你煮既每一道菜! 加上service都係好好呢, 所以如果有啲咩嘢喜慶慶祝的話, 呢間都係唔錯既選擇呀!