嘆完2個鍾既Spa之後, 就諗住出發去新開既Siam Paradis Night Market. 行翻出去Thong Lo BTS站, 係3號出口就有阿蘇推介既Mae Varee芒果椰汁糯米飯.
除咗有芒果椰汁糯米飯, 仲有榴槤椰汁糯米飯呀, 唔理啦, 兩個都買嚟試吓先!!!! 拿拿聲, 企係街度就即刻開過榴槤椰汁糯米飯食先. 嘩, 好好味呀, 啲榴槤肉軟滑濃郁就不在話下, 而啲糯米飯在暖暖地, 加埋啲椰汁真係一絕呀
!!!! 唔知係咪泰國人食得好甜, 佢俾我既個包椰汁都好甜, 所以千其唔好一切過落晒啲椰汁呀!
Siam Paradis Night Market係新開既, 所以啲旅遊天書都未有推介, 而剛好係出發嚟曼谷前一個Week, 蘋果日報有介紹, 所以就諗住去啦, 而跟據資料, 個night market其實係在Udom Suk BTS站, 點知去到望站內既地圖, 一啲資料都無, 咁就諗住問站內既職員啦, 點知又好似無人知個Market既存在呀,,,,望吓站附近,,,,,,,四野無人既, 黑麻麻,,都係唔博啦, 去番On Nut既Nigh market算數啦!!!!
點知一去到On Nut BTS站, 突然落大雨, 真係落狗C呀, 又無傘喎, 就算有傘都濕身呀!
所以就走入Tesco supermarket避吓雨先. 其實過時都成9:30pm, 好肚餓, 所以就係Tesco內既food court都食啲嘢先. 叫咗2碗粉加杯cola, 都係100baht!!!
食完就諗住搵On Nut Nightmarket啦, 睇水牌, 見寫住On Nut Market喎, 咁就諗住係個度啦(因為水牌沒有其他寫住market既地方), 一路行又大雨, 又週圍都係水氹, 行咗成30分到啦, 但係黑鬼麻麻, 完全唔係個回事, 心知不妙啦, 一定唔係呢個market, 因為之前見blogger講過個night market係BTS迴附近呢,,,,(之後返到香港, 睇番其他啲自由行書, 先知個On Nut Night Market其實係既Exit 3, 我地就出咗Exit 4, 真係原來係近在咫尺!!!
)
搞到行咗咁多白行既路, 真係好肚餓呀, 行到力到無, 好彩之前做咗個Spa呢, 如果唔係真係頂唔順呀!! 於是就搭BTS出番市中心, 我地就誤打誤撞, 走咗入一間係Ratchadamri部附近既餐廳叫Sea Breeze. 行咗成晚, 真係要飲支Sigha先得.
2個人叫咗: 冬陰公, 木瓜沙律, 泰式炒粉及炸蝦餅!!!
個冬陰公望落好似唔辣, 其真就一啲都唔係呀!
最驚喜就係個炸蝦餅, 真係非常好味, 即叫即整架, 係香港都未食過咁有蝦味又彈牙既蝦餅!!!
埋單1100Baht, 食飽都已經成11:30pm啦, 打道回府!!!
今既day 1既戰利品呀.
檢視完啲戰利品之後, 就要嘆番個之前買既芒果椰汁糯米飯當消夜, 好味道, 好滿足呀!
