最尾一日, 會搭1:40PM機返香港, 所以都無去邊啦. 起身後, 食埋個早餐, 返酒店房Double check啲行李, 之後就check out出發去機場.其實而家去機場可以搭機場快線, 但要注意呀, Sanam Bao個BTS站係無電梯架, 所以如果直接係Sanam Bao站搭車, 就要手抽啲行李行樓梯啦. 所以我見有啲blogger就搭的士去Phaya Thai既BTS站直接搭機鐵, 不過我地最後都係選擇直接搭的士去機場呢!!!
去到機場就快快手Check in, 阿聯酋航空既luggage tag好鬼C落本錢呢
, 成張Credit card咁款, 唔會好似其他航空公司啲luggage tag得張紙薄"ee"咁.
Check in完之後就入去機場啲shop行吓啦(仲有泰幣係身就身痕,係要買埋嘢先安落!
) 對上兩次嚟曼谷時, 係機場買咗個Blue Elephant出既thai herb mixed nuts, 好鬼好食, 所以今次都唔放過買咗兩罐呢.
上一次嚟曼谷已經係2年前, 今次就發現係機場內既所有shop, 好多product都寫上中文, 我相信係為咗迎合內地客呢.仲有就係見到係機場有即整既芒果椰汁糯米飯, 莎拉忍唔住
都係要買番盒, 拎番香港慢慢嘆!!!
俾謝菲偷影, 捉到我係機場都要shop既罪證呢!!!!