0

曼谷泰開心生日之旅-Day 3(上)

莎拉蛋糕 於 2011-09-15 00:00:00 發表  |  累積瀏覽 353

分類:長線旅遊 特色景點 ;地區:曼谷

第3日既重點行程就係行JJ market (翟道翟市場)! 莎拉真係好out, 雖然已組係第3次去曼谷, 但係今次至係第一次去JJ market咋, 失禮失禮!!


9am一早係酒店食飽早餐就起行出發啦, 我地既酒店係Sanam Pao站, 所以去Mo Chit站好快就到啦. 





去到Mo Chit BTS站, 人山人海, 唔使睇指示, 跟住啲人群就可以去到JJ Market啦.


JJ Market真係好大, 行晒每一行係無可能既事, 所以我地今次主打係屋企擺設, 杯杯碟碟之類既嘢.





因為整個market都係室外, 所以裝束一定係要淺色衫, 背心, 短打係必備架.


見到啲好有泰國風既人手做滕籃, 用嚟做廁所既垃圾桶真係fit晒, 哈哈哈, 只係賣150baht咋.





行咗一陣, 都唔知自己行到第幾條巷啦. 有時見到啲啱既嘢, 但係又想諗諗先, 到想番轉頭既時候, 都未必搵得番呢.


行吓行吓, 就行到JJ market既中心位置既地標 (有個大鐘), 真係好熱啦!!!!!!





見到鐘樓旁邊有椰子雪糕賣40baht, 試一試先!!!! 用椰殼載雪糕真係又環保又得意, 未食見到都透心涼啦, 味道當然係唔錯, 椰子肉加vanilla味既雪糕, 爽呀!!!








除咗有雪糕, 仲有啲泰國既傳統製雪條, 但係呢個我就無食啦, 因為我見佢旁邊有啲一樽樽五顏六色好似係糖漿既嘢, 好似好假呢, 所以唔敢食呀.





見到有一間賣竹做既table runner, 同平時見開用泰絲做既好唔同, 一來又唔怕整污joe, 又可以隔熱, 都幾好用架, 價錢一啲都唔貴, 只係200baht.





再行吓行吓, 就見到好多杯杯碟碟, 香熏座, 浴室用具啦, 真係平到無朋友呀, 款式又多又靚, 所以莎拉係呢個moment已經係買到癲咗啦, 差啲唔記得玻璃係有重量同埋係會打爛架!!!!





見到啲細個音樂堂玩既"夾夾", 哈哈哈!!!唔知你細個既時候有無玩過呢?!!





行吓又飲吓, 真係好爽呢, 唔知係咪天氣熱呀, 所以就算見到啲泰式小食, 都無咩胃口啦!











真係有好多平靚正既嘢賣呢, 就算唔賣都亂試一餐呀!係JJ market買嘢真係好痛快!!!









感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:曼谷
  • 攻略時間:1日以上
    是次消費:N/A
0人比"掂"

最多能輸入300字

累積瀏覽 251762

全部攻略 499

全部回應 0