每次Weekdays出去尖沙咀做Facial, 都會忍唔住心思思同謝菲去寶勒巷果間譚仔雲南米線, 真係好似會上癮咁樣!
莎拉真係一個好鍾意食同好食得辣嘢既人(萬一第時有BB都唔知點忍口), 點辣都面不改容, 相反, 謝菲一食辣就會流晒汗呢.
每次去都一定要叫既土匪雞翼, 真係食幾多次都唔悶呀!
通常自己既配搭係"竹笙, 豬潤+炸醬"小辣米線, 自知係一個大食妹, 一個人絕對可以KO成碗米線呀呢.
今次就叫多個新嘢試, 麻辣皮蛋, 望落以為好辣, 其實都唔係架, 唔好俾佢啲紅油呃晒.