星期六來去衝衝咁上咗番禺慶祝伯父既生日, 星期日咁啱得咁蹺就係媽咪個邊既親戚搞既"瘋狂海鮮日", 因為媽咪既契妹係海鮮買手, 所以啲蝦蝦蟹蟹特別新鮮, 而每逢夏天就係食蟹既最佳時候啦!!! 中午就開始我地既"Oh,,,Crap Sunday"啦.
中午就食蟹, 真係好似無咩幾何呢, 仲要係一切過蒸起有有咁多, 真係何其壯觀!!! 雖然啲奄仔蟹細細隻, 但就係好鬼多膏, 又好鮮甜既蟹味!!!! 哈哈哈, 我一個人都食咗5隻呀!!!真係膽固醇萬歲!!!
契姨既家有一棵好大好甜既龍眼樹, 而家呢個時候已經有好多龍眼啦, 所以食飽後, 就要運動吓, 去摘龍眼呢.
而呢個勁食蟹宴係唔可以俾佢停, 係當日既晚飯繼續!!! 表弟仲親自整個"牛油爆蝦", 嘩, 真係好咁鍋氣呀, On Fire!!!!
除咗有清蒸奄仔蟹, 仲有咖哩炒蟹, 牛油爆蝦, 仲有就係黃油蟹呀, 隻隻都多膏到頂殼架!!!!
咁我晚飯呢一餐究竟食咗幾多隻蟹呢?!!!答案係5隻!!!! 真係破晒個人記錄呀, 一日裡面食10隻蟹,,,,,,再次高呼"膽固醇萬歲"!!!
(食咗咁多蟹, 第二日就要食番個De-tox diet啦)
