8月份既夏天真係特別悶熱, 真係要食番啲清涼啲既嘢先得. 之前一直行過街市都見到有啲檔口有新鮮既蘆薈賣. 原來一支大蘆薈都係賣$15, 平時老X家啲即食蘆薈一樽都要成$3X! 從來未試過自己整, 今次自己試吓整, 又平又健康呢!
蘆薈處理方法
1) 洗淨蘆薈及切成細小段, 之後將蘆薈兩邊切去.
2) 將蘆薈表面的厚厚綠色皮切走.
3) 蘆薈切成粒狀後會非常"滑潺潺"(好似鬼口水咁), 用熱水煮30秒至1分鍾後(飛水), 盛起在盒內.
4) 加入蜜糖3湯匙(可以按個人口味加減)拌勻, 雪4-5小時後, 啲蘆薈就唔會再"滑潺潺", 咁就食得!
蘆薈功效
蘆薈含多種營養素，以下詳列其營養成分及功效，讓大家了解它的好處：木質素存於蘆薈凝膠纖維中，有助排水及排毒；礦物質(鈣、鎂、磷、鈉、鉀、鋅、銅、鉻)乃構成牙齒、骨骼、胰島素及多種酵素的成分，並參與醣類及能量代謝；維他命A、C、E及B雜，促進新陳代謝、體內抗氧化及維持皮膚與細胞健康；單醣(葡萄糖)、水溶性纖維(果膠)、黏多醣、蘆薈素、大黃素，為身體供給能量，調節脂肪和蛋白質新陳代謝，促進腸胃蠕動，增加黏膜的抵抗力；酵素(氧化、澱粉、脂解)可調節生理機能，助消化食物；氨基酸則提供能量，修補組織，幫助細胞生長。
