0

Wedding vendor review - 海景嘉福酒店 (婚宴場地)

莎拉蛋糕 於 2011-07-09 00:00:00 發表  |  累積瀏覽 2177

分類:其他

係時候輪到開始寫商戶評分啦!


**************************************************


商戶: 海景嘉福酒店 (Picasso Room)


評分: 5分  (最高5x)


**************************************************


因為自知圍數唔多(約16圍), 又要酒店, 又要無柱位, 要求多多, 所以係婚期前1年半就已經睇場及Confirm場地啦. 尋找晚宴既地方過程, 大大話話走訪咗8間酒店, 唔係min charge太貴, 就或者場地有柱位唔啱心水, 好彩最後就搵到海景嘉福酒店(InterContinental Grand Stanford Hotel) 既Picasso Room, 雖然所book既場沒有華麗會變色既LED燈, 但係圍數場地大細啱晒自己既要求, 酒店既中菜出名好食, 所以就好快落訂Confirm啦.





Sales服務


Follow我地booking既sales係Tiffany Chan, 婚禮前好多前期既細節佢都follow得好好, 非常交帶, 回覆都好快手(好似我婚禮前一晚攞房時出現問題, Tiffany都立即幫我搞掂佢, 詳情clik去--->Wedding vendor review - 海景嘉福酒店 (出門酒店)). 另外本身酒店送咗個10lbs既結婚蛋糕, 但因為我自己訂咗個Wedding cupcake tower, 所以Tiffany就幫我地轉咗做6打開席前既小食, 而我另外再order咗啲(雖然我無機會食, 但親戚朋友們個個都話好食, 而自己就見到啲小食好快就俾人掃晒啦).


待應服務


當晚有一個近身女待應貼身服侍我, 都幾話頭醒尾.  而當晚係開席前就切自己訂既Wedding cupcake tower, 切完之後待應就serve俾啲賓客.





當而整晚既婚宴既流程及時間都控制得好好, 沒有因為overtime而快快手上菜. (因為我曾經去過啲婚宴, 可能遲咗開席, 所以上菜上得好鬼急, 好似想趕你快啲走). 而聽番親戚朋友既feedback, 都沒有招呼不週既問題出現.


場地


Picasso Room位置處於地庫, 所以佢既樓底唔高, 但係個Stage既位置上面就樓底特別高, 有一盞大型既吊燈, 所以感覺唔會覺得樓底好矮好焗促.





而最難得係成個場四四正正, 一條柱位都無, 所以係任何一個角落都可以睇得清清楚楚個stage.





出便既foyer位都好大, 雖然未必整個foyer位都係屬於自己(因為地庫仲有一個再細啲既宴客廳叫Monet Room), 但係因為一入地庫, 就係Picasso Room先, 所以就算當晚有另一對新人係另一邊擺酒, 都絕對影響唔到, 仲覺得成個foyer位係自己既.


主家席既set-up及每一圍既鮮花centerpiece.








味道


呢個唔使多講, 海景嘉福酒店既中菜不嬲都好出名, 雖然自己之前無參加過海景嘉福既婚宴, 但每次同朋友講會係海景嘉福酒店擺酒, 個個都話好好食!!! 而事前, 知道佢其中一個餸菜叫"格蘭焗釀嚮螺"好味同出名, 所以就upgrade咗其中一個餸為呢個啦(又真係幾好食!!!). 雖然當晚既所有餸菜都係夜晚番上酒店房時才食, 但係味道真係好好, 有水準!








價錢


Picasso Room最多可以擺16圍, 而我當時既min charge係 $129,00X+10%service charge (而家好似已經加咗價啦). 以5星級酒店嚟講, 呢個最低消費都算唔貴. 我book既時候因為係walk-in, 所以沒有什麼包酒水既jet-so嘢, 我都嘗試下"r", 但都係唔成功呢.


網址:


相關文章:




感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 214473

全部攻略 499

全部回應 0