今個夏天嚟得遲咗, 連玩Wakeboard既開季都遅咗. 上年只係玩咗2次咋, 因為驚曬黑同埋唔想嘥咁多錢呢. 所以今年book咗船, 就好期待啦 (真係未出發先興奮). 今年仲轉咗地方及船家, 搬咗去西貢玩.
星期日倒塔咁早(7:30am呀)同謝菲及細妹去咗太興嘆番個"滑蛋厚切午餐肉米", 之後就出發去西貢. 全日都陰陰天呢, 但係都好, 起碼唔會曬到變人乾. 今次一行5人, 未落水前影番張相先!
玩咗4hr,真係夠晒皮啦. 我地仲玩咗一轉Wakeskate (無鞋既wakeboard), 個感覺真係好free, 好似輕功水上漂咁, 下次要再玩先得.
玩完4粒鐘之後, 我地5個人就好似餓鬼出籠, 牛都食得落呀! 快快手, 就揀咗間"陶記茶餐廳" (謝菲都係姓"陶", 有無discount先?!哈哈哈).
二話不說就一人一個餐仲要再叫一個西多士及乾炒牛河 share呢, 唔駛一陣就掃晒啦!真係好似皇虫呀!
成年無玩過呢啲體力消耗咁大既X-Game, 換嚟既代價就係全身每一part既肌肉都係嚴重酸痛, 仲要一痛就痛足3日, 成個人梗晒, 變成機械人莎拉, 唔通真係年紀大機器壞?!!!