0

Wedding vendor review - 海景嘉福酒店 (出門酒店)

莎拉蛋糕 於 2011-05-21 00:00:00 發表  |  累積瀏覽 2452

分類:
係時候輪到開始寫商戶評分啦!

**************************************************


商戶: 海景嘉福酒店 (出門酒店)


評分: 4.5分  (最高5x)


**************************************************


好早就已經決定咗出門一定會係酒店, 一來地方大可以容納姊妹們及親戚們, 二來地方整齊啲, 影相效果會好啲, 三來方便啲, 唔使走嚟走去晒時間!!!(其實咁多原因, 無非都係要說服自己及謝菲俾我租間大啲既酒店房, 奸計得逞)


因為酒店本身送咗一晚海景房俾我地, 所以都無考慮其他酒店啦, 因為係出門之用, 加上男家都會係番呢間房做入門儀式, 所以我要加錢Upgrade去租間大啲既海景套房, 再者擺完酒當晚, 唔想咁辛苦(我實在太多藉口啦), 所以當晚都係會住多晚呢. 之前諗住連續租兩晚, 點都有啲special discount掛,,,點知最後quote完個價, 真係一額汗,,,,非常貴呀,,,upgrade既個晚要補$21XX plus 10% service charge,  而另一晚既價錢係$47XXplus 10% service charge (如果改租City view, 會平$800). 嘩,,,,,,真係貴到個人都赤埋, 咁大個女都未試過住咁貴既酒店呀!!!! 算啦, 又係呢個句累同事"一世人一次結婚, 算吧啦"!


之前已經去酒店實地睇過一次佢啲房架啦, 海景套房係一廳一房及有兩個廁所, 廳與房既比例係接近一比一既, 其實都好寬闊, 空間係好足夠既, 有一張3-4人及1人沙發.








當日Big day check-in時就發生咗一段少插曲, 因為間酒店套房一早已經係經由banquet個邊既sales book咗, 而之前都係由佢帶我去睇房既, 點知check in 時, 酒店俾咗一間都係海景套房既我, 但係同我原先睇既果間完全唔同, 雖然係新裝修(modern啲), 但成間房差不多細成一半都不特止, 房與廳完全沒有間隔, 窗又細啲(個海景View仲唔係正view呢), 沙發又細, 但係佢既價錢都係收 $47XX一晚呀, 真係傻既咩.


另外個種海景套房就係咁既樣啦:











所以我立刻打俾follow up我既 banquet sales, 要求佢幫我轉番去之前所見過既一廳一房海景套房. 好彩仲有房咋, 如果當日真係用呢間房就一定出事, 因為跟本容納唔到咁多人, 二來就影唔到我期待既呢類型係大窗前既wedding相啦!





總括呢講, 酒店房既size及服務(半夜三更, 我地要求整番熱啲嘢食都setup的好好, 詳情click去婚宴之後-好肚餓+好眼瞓) 全部都攞滿分, 真係唯獨是貴得好緊要呢!!!


網址:



相關文章:




感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 223945

全部攻略 499

全部回應 0