0

寄去天國給爸爸的信

莎拉蛋糕 於 2011-03-26 00:00:00 發表  |  累積瀏覽 283

分類:

親愛既老豆,


您係天國既生活點樣呀??? 是否已經適應下來??? 沒有我們在您身邊吱吱喳喳, 會否不習慣? 不知不覺您已經離開我們已經兩星期啦, 呢兩星期既時間好似過咗好耐咁, 腦海埋面無時無刻都會浮現出過去一齊既片段, 與此同時, 眼睛就好唔聽話, 淚水開始又流下來.....


還記的小時候, 我們全家人會去尖東飲茶, 每次都有點心拼盤及魚形芒果布丁, 之後好多時都你就會返屋企先, 剩底媽咪同我地行街, 當時唔知點解您唔同我地去街, 哈哈哈, 後來大個咗之後先知原來星期日有馬跑, 所以就同我地飲茶後先走.


還記的小時候, 星期六我同細佬會上去工廠玩,  包裝箱, 裁床都係我地既樂園, 就算您與媽咪要OT, 我同細佬都唔會嚷住要走, 因為我地無無聊聊都可以玩一難餐.


還記的小時候, 當我要返上午校時, 有時早上您就會同我去"寶華"飲早茶, 之後就送我去等校巴, 記憶中, 您都係睇報紙多過食嘢, heehee, 我就好專心咁食,,,,我鍾意食嘢呀嗎,,,


還記的小時候,  您好早已經俾我試飲啤酒, 我仲記得個牌子係"藍帶", 我相信我而家呢個千杯不醉既本領都係由呢到而嚟!!!


還記的小時候,  在一次交通意外中, 好彩有您在我身邊, 否則我的傷勢必定嚴重, 一定沒有今天健全的我.


當我漸漸長大懂事後, 記得有一天您與媽咪決定舉家移民加拿大, 為的是給我們有更好的教育. 我真的非常佩服您與媽咪, 因為您們作此決定時, 您們一啲英文都唔識, 您們有此勇氣, 真係好勁呀!!!!


當移民到加拿大後, 您就開始太空人生活, 每年飛2-3次, 每次逗留個多月, 我諗您當時既生活一定辛苦, 日頭工作過後, 回到家沒有家人在香港照顧, 感覺一定寂寞!!!! 記得每次您返來加拿大既時候, 屋企就會變得好熱鬧, 因為好多其他uncle都回來, 幾家人就會搞大食會, 打麻雀, 又會去釣魚, 又會幾家人揸車去NYC, Boston, Toronto, 日子真係好開心!!!


又想起家中我寵物, 小狗"Bonbon"及貓貓"Tonton", 全部都給你寵壞, 特別是Bonbon, 你寵到它成為一隻"屎賄"小狗呀, 哈哈哈, 每次您都用不同既零食引它!!!


再過多幾年之後, 我就開始好返叛, 我仲記得有一段日子, 我好似一支"頂心杉"咁, 成日都頂您咀, 極之不孝順!!!


之後當入大學第一年, 記得當年暑假, 媽咪同我地講, 您患上鼻咽癌, 當我聽到之後就哭了, 因為在您治療期間, 只有您一人去面對, 您叫媽咪不用回香港, 因為細佬及細妹仲需要她照顧. 我相信那一段日子一定非常難過, 因為沒有家人在身邊一起去打呢場仗. 但我非常感恩, 因為您能夠戰勝病魔, 繼續與我們一起生活!!!


當我大學畢業後, 我就決定回港工作, 而我好開心我作此決定, 因為呢幾年既生活令我同您相處既時間多咗好多, 而一有時間, 我同謝菲就會同您返大陸, 每次您都會車我地周圍去搵好嘢食, 哈哈哈, 您有時搵既地方真係好"山卡拉", 最記得有次係個山頭食雞, 真係只有你先識去!!!! 您又會帶我地去沐足, 真係節目豐富!!!


又想起, 當我與謝菲準備結婚, 買了現時個單位之後, 您給予好多裝修既idea, 當完成後, 您仲好開心咁帶好多親戚朋友來參觀呢.


回想你既一切, 真的很多很多,,,,,,,


回想起兩星期前, 您走得是多麼突然, 當時我們真係不能接受呢個事實, 因為前一天您仲是好好的在家中, 我仲記您當晚仲問"呀Jeff呢?", 此番說話已經係我最後聽到您的聲音了! 我真係希望呢個只不過是一個惡夢.


15個月前我們差點兒已經失去了您, 所以好感謝上天, 給了我們此15個月最好的時光. 好感恩在此15個月, 您能見證著我結婚, 您能帶著行禮, 將我親手交給謝菲. 我同樣好感恩我們全家人能齊齊整整在過年的聖誕節及農曆新年一起過, 因為自從移民後, 我們已有10多年沒有全家人一起過聖誕節及農曆新年!!! 感謝上天有此機會給予我們有此美麗回憶.


爸爸, 感謝您一直都是給我們最好, 成為您的女兒是我的幸運!!! 我真係好掛住您!!! 好唔捨得您, 但願您在上天生活安好及快樂, 不用記掛我們!!!


I am so proud to be your daughter!!! Dad, I love you!!!


親愛的女兒,


惠詩上






 










 







 



















感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 220867

全部攻略 499

全部回應 0