無錯, 寫完9篇首爾自由行遊記後仲唔夠, 仲要整多篇後記,,,,哈哈哈,,,真係唔怕大家睇到悶,,,,
其實呢個trip係在沒有準備下進行, 所以只係跟本自由行書去玩, 沿住地鐵路線, 所以都唔算難!!!
今次首爾自由行感想:
1) 一個字: 凍! 好可能因為日日都係室外, 所以雖然只有-2C, 但都覺得唔夠暖!!! 不過我地都好彩, 因為係1月份時, 首爾有寒流, 氣溫下降至-12C, 諗起都打冷震!!!
2) 勁買Facial Mask, 當手信係絕對受朋友仔(只限女仔friend)歡迎, mask既款式及牌子真係五花八門, 價錢平過香港好多, 有啲都係幾蚊一塊!!! 我番到香港後, 經自家核數師點算後, 我係買咗150塊mask!!!!!!! 無錯, 係過百塊面膜,,,,,,,,當然我唔係自己用晒啦, 放晒係自己塊面, 真係會虛不受補架!!!! 大部份都係當手信送俾朋友仔!!! 除咗facial mask, 韓國仲有好多其他包裝得意既化妝品, 唔用得都睇得呀!!!
3) 之前有擔心過語言問題, 因為都知道當地英文唔係個個識, 但其實國語反而仲popular過英文, 所以大至上都ok!!
4) 下次可能會再去韓國, 不過應該會揀濟洲啦, 因為好多人都話好靚呀!!!
好啦, 首爾自由行既遊記終於寫完啦, 係時候寫番wedding 既嘢啦!!
