第3日, 個alarm set番啱啦, 今朝無再遲起身囉, . 10:00am出到去, 我呢個啡精一定要嘆番杯黑咖啡先得, 剛好酒店對面有間Mister Donut, 正呀, 上次係台北就鐘意咗Mister Donut啦, 好可惜香港無啦, 唔緊要今次可以係首爾再食啦,, yeah!!!
呢隻就係Mister Donut既 signature獅子, 好鬼cute!!!
食完早餐, 我地就向今日早上行程既第一站"景福宮"出發.
每日我地都係搭地鐵, 而係忠武路呢個站就design到好似地下防空洞咁!!!
景福宮呢度基本上係首爾必到既旅遊景點, 有啲韓戲都係呢度拍, 好似"宮"咁.
今日天氣一樣係咁凍, 呢度極之空曠, 所以就更加啦!!!! 你睇吓啲守門將著到成隻粽咁就知啦!!!!
其實如果你有去過北京既故宮博物院, 呢個景福宮有啲小毛見大毛, 不過點都要到此一遊既.
每一個小時, 佢地都有一個守門將交接儀式, 呢個都算係必睇項目.
第一次親身見到打呢個韓式大鼓, 真係幾震撼!!!!
行埋去啲守門將度影相, 嘩佢地個個都高頭大碼, 我諗以前啲人好可能真係咁大件, 我呢啲立即變成矮妹釘!!!
睇完呢個守門將交接儀式後, 就急急腳走啦, 因為實在係太凍, 老公部單反相機都好似凍到有啲Short short地.
