本來第二日plan咗早啲起身去 N Seoul Tower, 點知就發身咗啲低能事件.......我地無叫到酒店既morning call, 因此佢地啲英文真係麻麻地, 我驚指意個morning call會出事, 所以就懶醒set iPhone set alarm,,, 點知,,,,,,,我地忘記咗時差呀, 我地無set番個當地時間呀, 所以起身已經係10am啦, 攪掂出得去都成11am啦,,,,,蹝晒啲時間啦!!!!
出便望落去好凍呀, 要成組武裝著上身先得, 包到實一實!!!
係酒店附近有個"南山谷韓屋村", 唔使錢入場, 近近地就入去行吓啦!!!!其實呢條係韓國文化村, 地方都好大, 係入便見到好多平時係古裝韓劇既埸景, 有好多整kimchi既器皿呀!!!
因為係接近大除夕, 可能個場有活動攪啦, 所以係場內有冰雕睇, 影相都好靚!!
行咗約45min後就走啦, 雖然室外-2C, 但都覺得好凍!!!!快快腳向下一站-東大門出發.
去到東大門既目的當然係shopping賣衫啦. 但係開始之前要搵嘢食先, 我地唔想食food court, 所以就係條街度睇吓有無啲細細間既local食店. 因為我地唔敢行得太遠及行入啲細街, 所以行咗好耐都搵唔到啱心水既local食店, 太肚餓啦, 是但揀一間啦!!!!
終於就撞咗入一間幾多本地食既食店, 入到去先發覺沒有英文menu, 只得牆上既相及大量既韓文, OH NO,,,,,點算呀, 唔識Order呀,,,,,,好彩店內有一個識少少國語既待應. 咁老公就唯有手指指牆上既相Order. 點知當啲嘢食嚟到先知到自己order既係有:
1) 紫菜卷
2) 辛字辣麵加隻蛋
3) 辛字辣味炒飯加煎蛋 (老公睇相時以為好似係西炒飯咁,,,)
嘩,,,,,好清呀,,,一啲肉都無呢,,,唔知係咪又肚餓又凍既關係, 因為辣, 啲嘢食都好食!! 食飽就可以行街啦. 我地係東大門附近既服裝商場: Doota!, Migliore, Hello apM 度行. 有男裝, 有女裝, 最驚喜係男裝, 因為香港買男裝好多時啲Size都偏細同又貴, 但係東大門既男裝又型, 又有size, 價錢又唔貴, 所以老公今日都買咗幾件衫呀!!! 但係度買衫就一定要講價, 佢開既價錢你還40-50%, 有啲似羅湖咁樣!!!
買完衫就去吓 HomePlus Tesco supermarket睇吓有咩嘢食手信啦,
紫菜及係香港沒想到見過既韓國麵就一定有買啦, 最得意係買咗幾包一片裝既不同味道既Spam午餐肉呀, 夜晚整消夜就perfect啦!!!
