係時候輪到開始寫商戶評分啦!
**************************************************
商戶: M&M
**************************************************
用M&M作為回禮小禮物係好早期已經係我個Must Do List度, 因為M&M可以customize上面既字及顏色, 呢樣嘢可以令到婚禮上有獨一無二既元素, 加上賓客收到會覺得比較特別.
因為M&M係可以係美國及加拿大收貨, 所以訂購至收貨我就交給我係美國既伴娘負責, 由訂購至收貨只係需要約1.5星期, 真係好有效率.
我除咗係M&M上加字, 我同樣加上我同老公既樣上去, 出嚟既效果都唔錯, 都幾似真人, 起碼望到都知係我地.
而當啲M&M空運到香港後, 我就要自己入樽及加張相係上面, 啲玻璃樽係深水涉德祥文具買, $28有12個. 佢地有唔同既size架, 原先我想買個矮身啲既樽, 貪佢可以容易啲入樽, 點知沒有足夠既貨, 所以就改用呢隻size既玻璃樽, 所以如果各位JM打算係深水涉德祥文具買玻璃樽, 我建議早啲去買或訂啲玻璃樽, 免得到時沒有貨!
另一樣要注意既係, 係美國訂回來既M&M同係香港買既M&M Size有些許唔同, 美國既M&M相對係細粒少少(粒糖既直徑細少少), 因為如果係用香港既M&M size去量度計算所需要M&M既數量, 好可能最後會有啲出入. 同埋如果你係選擇樽口比較窄既玻璃樽就要小心啲, 記住帶定啲M&M去試吓入唔入度樽呀.
相關文章: