今日係情人節, 我祝已經結婚及嚟緊會結婚既JM就每一日都甜甜蜜蜜, 愛足一萬年!!!
因為之前為結婚儲錢, 所以之前啲情人節, 生日及週年紀錄都凍結咗送禮物呢一個環節, 所以婚後第一個情人節, 都係時候買番份禮物氹吓老公啦!
其實每次諗買禮物都好難, 因為大家已經一切咁多年, 好多嘢都已經送過晒, DIY既又有, 買既嘢又有, 真係每次都諗爆頭!!! 本來之前諗過送iPad, 但係佢已經有部iPhone 4啦, 恐防會無用及多咗呢. 點算呢??!!!好苦惱!!!!
終於俾我諗到啦, 老公都幾鐘意帶頸巾圍巾之類既嘢, 不如就向呢個方向諗啦!!! 等佢每次用既時候都諗起我!
係咁多種brand name, 孖G牌就後生啲同埋斯文又得, Casual又得! 就決定買孖G牌啦!
好彩上星期放假, 可以平日出TST買, 去到專門店, 啲Scarf既款式所剩無幾, 最後就買咗下面呢個黑色有暗花孖G logo既scarf, 希望老公鐘意啦!!!
個packing當然係very good啦, 未拆見到都興奮!!!
老公, Happy Valentine's Day!!! Glad to have you be my honey, xoxo!!!
情人節慶祝後記
同老公一早決定係屋企自己整嘢食慶祝, 自上次買過boston lobster食之後, 就念念不忘, 所以是晚就有boston lobster, 同埋今晚天氣實在太凍啦, 所以就整咗個海鮮焗意粉, 咁樣可以耐熱啲呀嗎!!!
今晚我就無整甜品啦, 但老公就煲咗杯"紅棗圓肉杞子茶"俾我, Heehee, 因為本人成日都面青口唇白, 自己又懶煲, 所以老公抵唔住頸就自己買晒啲材料煲俾我啦, wakaka!!!
今年老公都送咗份情人節禮物, 就係頸鍊啦, 而家已經急不及待戴住啦, 多謝honey!!!
