証婚儀式後影吓相都已經係4PM, 番到海景嘉福酒店既時候又要快快換衫.
當我掂晒既時候, banquet既decoration都已經攪掂, 出嚟既實物好靚, 同原先既電腦稿差唔多. 而Reception都用紫色為主, 好清雅. 當然姊妹Cally既DIY gift box令到成張reception table靚晒!!
另一得意之作就係回禮小禮物, 酒店已經將佢地放好晒係每張台度啦!!! 見到親手包裝既小禮物放係每個賓客既位置, 真係好開心同希望佢地鐘意.
而我極之期待既wedding cupcake tower 都已經到咗!!! 雖然我當晚無機會食, 但齋睇已經好靚啦, 比我預期既更加好.
切完wedding cake後, 我就立即走去換Wendy之前給我既一條裙兩個著法既第二個style, 準備做人肉佈景板同啲賓客影相.
期間muse team就同我地鼠咗出去reception位影吓啲型相, 哈哈哈, 呢張相就係全靠啲friend係後面偷影.
唔覺唔覺都已經係9pm, 已經要準備進場啦. 播緊成長片段等待期間, 我地座咗係出面, 嚟番張快snap先!!! 我同謝菲都已經笑到梗晒!!!
而食咗第一碟菜後, 就又要快快轉look, 換我件私伙大露背敬酒晚裝.
敬酒完畢, 就播放Muse team整既same day edit, 一個字good呀! 之後就係我係加拿大中學讀書既好朋友同埋謝菲表弟既speech, 哈哈哈, 好多謝佢地speech, 佢地大爆我同謝菲既祕密"魚"嘢, 成為當晚既高潮位!!!
然後就到我同謝菲既speech啦, 原來謝菲係前一晚已經寫定個speech, 真係估佢唔到, 好想再聽多次佢既speech!!!
而我就無準備任何稿, 因為我想隨住當時既心去講, 之前諗住係註冊時無喊, 應該唔會有喊位啦, 點知到我致詞時就講到喊!!!!
唔經唔覺已經到送客啦, 終於有機會同我既化妝姐姐阿石正正經經係個stage到影番張相啦!!! 而去到呢個moment, 其實都已經好攰啦!!!
